【玩物評測】適合不同玩具配搭 Brick Mini 國際象棋 開箱

 

 

大家都知 LEGO 官方就一定唔會出呢類咁細嘅象棋組件,作為有玩開 Chess 嘅我,同 LEGO 組件可以配搭嘅象棋組件,我又點會冇興趣呢?而早喺上年 6 就已經擺左上 Kickstarter 眾籌嘅 Brick Mini Chess ,近日我都終於收到貨啦。當時 KS 版有得選擇嘅基本顏色已經有 6 隻咁多,我今日就淨係以黑、白兩色嚟同大家仔細睇睇。

最基本六隻色有黑、白、深啡、古銅、深灰、淺灰,一套有基本嘅 16 隻棋加上備用嘅一王一后,總數 18 隻

每隻棋娜嘅底,啱啱好放到落 LEGO 嘅顆粒(stud)上面

拎上手質感比一般嘅 LEGO 組件更硬淨,但始終都係塑膠製品,過度用力就後果自負啦!

拎返啲真正比賽用嘅 Chess 去同大家做一做對比。Pawn 兵

Rook 車/城堡

Knight 馬/騎士

Bishop 象/主教

Queen 皇后

King 國王

 

就咁睇落你都只係覺得佢係一啲放得落 LEGO 顆粒上象棋件,但 Brick Mini 喺製作嘅時候就已經諗住佢唔係得個樣,所有象棋件係可以同 LEGO 其他組件配搭去創造一啲新嘅組合方式,就好似以下嘅一啲示範。

 

 

如果熟識我本人嘅朋友都知我除左玩 LEGO 之外,其實亦都有儲 6 吋嘅 Action Figures。雖然兩樣野好似風馬牛不相及,但原來 Brick Mini 自己都估唔到佢呢套產品,唔只啱 LEGO 呢類積木使用,原來 6 吋 Action Figures都啱玩。

 

McFarlane 大小小嘅比例又啱,第三方自組偏細少少嘅素體又配合得到

簡單整個 8×8 嘅底板都可以扮住棋盤頂住檔先

 

呢套 Brick Mini 出品嘅 Chess,單色一套只係賣緊 9 美金, 即係大約 70 蚊港幣。不過寄嚟香港嘅運費要成 20 美金,所以想買嘅朋友,自己考慮下一次過入多幾套,定係搵多幾個朋友一齊買去分擔運費啦。

Brick Mini官方網站傳送門

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast https://goo.gl/HRnxDW

追蹤

更多文章