【遊戲新聞】超任時期超經典名作《奇奇怪界》推出全新續篇《黒斗篷之謎》

 

日本遊戲公司 Natsume(ナツメアタリ)於 2020 年 9 月 10 日發表全新遊戲《奇奇怪界 黑斗篷之謎(奇々怪界 黒マントの謎)(暫名)》,為 1992 年超任平台上面遊戲《奇奇怪界 謎樣的黑斗篷(奇々怪界-謎の黒マント-)》嘅續作。

《奇奇怪界》為 TAITO 於 1986 年始創嘅街機平射擊遊戲,玩家飾演巫女小夜,為咗拯救落入妖怪手中嘅七福神所以開始伏魔之旅。玩家可以進行使用淨化串去進行近接攻擊,亦可以使用符具進行遠程攻擊,係一隻操作簡單、但非常上癮嘅遊戲。

 

 

今次嘅開發隊伍「TENGO PROJECT」,由部份曾經參與原作開發嘅成員所組成,佢地將會沿用 16 bit 點陣形式,不過將會於畫面及聲效上面作出進階提昇。

遊戲目前發售日及對應平台未定,出展 9 月 23 ~27 日舉行嘅「東京遊戲展 2020 Online」時將會有進一步公佈。

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章