【影視新聞】世嘉已與荷里活傾成合作《人中之龍》桐生線即將由外國改篇成真人電影

 

SEGA 旗下著名 IP《人中之龍》即將於荷里活改篇成真人版電影!根據外媒 Variety 報導,SEGA 已與 1212 Entertainment 及 Wild Sheep Content 傾成合作協議,目前兩間公司正尋找適合的編劇去改篇故事,目前並未公佈選角方面資訊,未知道會否繼續起用亞洲演員,或者會改篇成美國版黑道故事。

《人中之龍》為 SEGA 繼《超音鼠》系列後最暢銷嘅遊戲系列,第一集於 2005 年時於 PS2 平台上推出,至今已推出七集,其中第一至六集皆以「桐生一馬」為中心,可以話係唔少玩家心目中嘅經典回憶。

 

 

1212 Entertainment 表示,《人中之龍》提供咗一個極好嘅創作空間,其獨有嘅夜生活描寫、另類嘅日本黑道視點、以及多變嘅動作畫面,都為佢地製作電影提供大量精彩素材。

不過,《人龍》並非首次改篇真人版電影,早於 2007 年時,日本導演三池崇史就曾拍攝《人中之龍 劇場版(龍が如く 劇場版)》。

 

 

以第一集遊戲劇本為大綱,由北村一輝飾演桐生一馬,岸谷五朗飾演真島吾朗,孤獨的美食家松重豐飾演伊達真。以造型黎講算係幾貼近原作,有興趣嘅朋友可以參考返當年嘅 Trailer:

 

 

對於玩家黎講,由荷里活/外國人視點去改編《人中之龍》相信係既驚且怕嘅心情,我作為《人龍》死忠 Fans,都好擔心電影會變成《七龍珠》又或者係美版《死亡筆記》質素。我地會緊貼呢次改篇真人版電影嘅消息,有新動向再同大家報導!

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章