【TGS 2020】東京遊戲展新片發佈 《Monster Hunter Rise》新系統「翔蟲」介紹

Capcom 喺 25 日晚上直播節目「CAPCOM SPECIAL PROGRAM」,由《Monster Hunter》系列製作辻本良三以及《Monster Hunter Rise》總監一賴泰範為大家介紹新作系統「翔蟲」。當然仲有 TGS 版最新影片,介紹隨從艾路貓、加爾克以及部份新動作。

 

 

辻本良三先講解今集嘅副題「Rise」,意思係代表新系統「翔蟲」賦予獵人高移動性,以及同世界各地玩家同遊嘅想法。今集最重點系統「翔蟲」將幫助玩家飛越各種地形障礙,快速到達目標區域,同時亦可用於地面加速移動。另外「翔蟲」亦可於戰鬥中使用,喺影片入面我地就見到各種「翔蟲」衍生動作,亦有空中放大爆彈新動作,不過就未知會否沿用 MHXX 系列嘅「Style」,呢點要留待之後確認。

 

 

《Monster Hunter Rise》將有艾路貓以及新隨從「加爾克」供玩家自由選擇,後者可以騎乘移動,騎乘中可使用部份道具,亦會發動攻擊。之後仲有介紹新據點「神火村」,都係有野賣有裝整咁啦,無乜特別。不過成條片最最最令人驚訝嘅地方係今次獵人終於識講野!!!媽咪好感動丫!!

 

 

《Monster Hunter Rise》將於 9 月 26 日萬上 8 時,進行世界首次實機試玩直播,當然繼續由辻本良三同埋一賴泰範為大家示範,記得準時睇啦。

 

滅盡殺手

滅盡殺手 重度魔物獵人中毒者,歷代遊玩時間破億分鐘!

追蹤

更多文章