【遊戲介紹】真正撚狗遊戲 《THIEF DOG》做隻忠犬作奸犯科

「有人唔做走去做狗」,喺過去一年,呢句說話通常用嚟形容特殊職業人士,不過今次介紹嘅遊戲就真係要你做狗。《THIEF DOG》就係要玩家扮演忠犬,幫主人完成各種任務,不過你主人就係不法之徒黎,所以狗狗都係幫佢作奸犯科,都幾有新鮮感。

 

 

《THIEF DOG》由 WarZoneLab 開發,係一款模擬動作遊戲,採用第三身視點,開放世界。玩家所扮演嘅狗狗 Perry 由 Dick 飼養,而佢本人就係不法之徒黎,所以玩家係一隻「賊犬」。主要活動都係幫佢作奸犯科,雖然喺絕大部份時間都無人理你,因為你外表係一隻好普通嘅狗,隨處可見。但有時面對黑幫衝突,你會同時成為目標,呢個時候就要邊逃命邊諗方法完成偷金錢、幫主人解圍等等任務。

 

打劫黑幫

 

黑幫之外,有時都會受到人型狗嘅追捕,呢個時候你可以盡情用敏捷身手玩佢地,仲可以喺狗車度屙尿,呢個行為有個學名「撚狗」。萬一主人失手被擒,仲可以偷偷潛入狗屋幫佢脫出。除咗同人類周旋,仲需要同其他狗「爭地盤」,只要你贏得佢哋嘅信任,不但會幫你同敵人作戰,仲可以進入佢哋嘅「地盤」探索。

 

偷入狗屋搞事

周圍屙尿

 

《THIEF DOG》暫時未知推出日期,但已經標明「快將推出」,有興趣嘅朋友可以去 Steam 頁面度加入 wishlist 先。

 

五木

五木 動漫電玩宅,極愛金田一系列,擅長動作及策略遊戲

追蹤

更多文章