【遊戲新聞】LoveLive! 超大喜訊! 《LoveLive!》音樂遊戲街機將移植至 PS4

今次真係超大喜訊,作為《LoveLive!》愛好者每次去日本總要落機舖玩下《LoveLive!》街機 ,不過喺琴晚 Aqours ONLINE LoveLive! ~LOST WORLD~演唱會入面,竟然發佈呢個超大喜訊,同 SQUARE ENIX 合作嘅街機飲樂遊戲《ラブライブ!スクールアイドルフェスティバル~after school ACTIVITY~》即將移植至 PS4!

 

 

由 Bushimo 聯同 SQUARE ENIX 共同出品嘅《ラブライブ!スクールアイドルフェスティバル~after school ACTIVITY~》於 2016 年推出,係大熱作品《LoveLive!》嘅街機音樂遊戲,收錄初代 μ’s 及第二代 Aqours 歌曲,並且與手機版《Love Live! 學園偶像》有一定程度上嘅連動。遊戲基本玩法同一般音 Game 接近,畫面下方有 9 個呈半圓排列嘅按鍵,音符到果陣就撳制,而且遊戲背景會有原作角色演出,非常好睇。

 

 

街機版畫面

 

移植版將改名為《ラブライブ!スクールアイドルフェスティバル~after school ACTIVITY~ わいわい!Home Meeting!!》(個名長到呢…….),喺影片入面見到 PS4 版本似乎將按鍵減少為 6 個,意味住譜面及難度有所改變,希望可以透過調整難度而改變按鍵數量。另外,街機版跌出黎啲實體卡喺 PS4 版可以使用,不過未知具體程況係點,亦未知會否推出專用控制器。

 

按鍵減少為 6 個

 

《ラブライブ!スクールアイドルフェスティバル~after school ACTIVITY~ わいわい!Home Meeting!!》目前尚在開發中,未知確實推出時間,但考慮到 PS5 上市在即,相信好大機會於 2021 內推出。

 

 

五木

五木 動漫電玩宅,極愛金田一系列,擅長動作及策略遊戲

追蹤

更多文章