【遊戲介紹】解謎冒險小品遊戲 《Where Cards Fall》與少年一同成長的故事

今年年中喺 iOS 曾推出一隻廣受好評嘅小品遊戲《Where Cards Fall》,日前開發商 The Game Band 正式公佈即將推出 PC 及 Nintendo Switch 版本,並釋出預告影片。

 

 

《Where Cards Fall》係一款解謎冒險遊戲,故事講述一位青春期少年由學生時期到畢業投身社會整個階段,當中對人生感到迷惘,直到佢搵到自己嘅人生意義。遊戲基本操作都係點擊畫面落指令,引領角色移動到目的地。要令角色順利前進,就要利用「紙牌」,玩家可透過手指將紙牌縮放,堆疊成各式房屋或者令佢地變返卡牌重組。

 

 

遊戲版圖會有各種高低差,亦有物理效果,唔係一味砌屋就搞掂。例如往高處走需要先堆疊單層房屋作踏腳石,再堆疊有斜坡屋頂嘅房屋往高處走。又例如後期會出現強風吹倒普通紙牌屋,呢個時候就要整三層高堅固嘅房屋,用佢抵禦強風同時幫其他房屋「擋風」。

 

 

遊戲將提供超過五十關關卡,而且謎體難度有返咁上下。另外遊戲嘅光影效果以及音樂效果非常出色,會隨角色移動而改變音源,極正!《Where Cards Fall》預計於 2021 年推出,對應平台為 Nintendo Switch、PC Steam 及 Epic Games Store(iOS 版本已經推出)。

 

五木

五木 動漫電玩宅,極愛金田一系列,擅長動作及策略遊戲

追蹤

更多文章