【玩物快訊】《殺神 John Wick》場景還原過山車 將於明年啟動衝入穹天屠

 

《殺神 John Wick》已經由電影系列演變成一個受歡迎嘅 IP,繼早前推出獨立遊戲之外,根據外媒 Variety 報導,2021 年仲會有一條 10 層樓高嘅《John Wick》過山車推出!不過香港嘅朋友想玩到呢個過山車就唔係咁易了,因為新過山車將會坐落於杜拜嘅主題樂園「MOTIONGATE™ Dubai」裡面,預計 2021 年初啟動。

 

 

新過山車名為「John Wick: Open Contract」,不過,過山車與「殺神」嘅 Crossover 就有少少「夾硬黎」;電影公司表示,玩家去排隊時,先選擇你想要「幫助 John Wick」定係「追捕 John Wick」,然後你地就會被分配到相應嘅隊伍之中,而排隊過程裡面,就可以見到相應嘅展覽、電影場面等等。

 

 

最後落車嘅地方,係特別配合主題而建造嘅 Continental Hotel,還原返電影裡面嘅場景,可以話係比 Fans 打卡嘅熱點。「MOTIONGATE™ Dubai」目前仍有正常營運,不過因為武肺嘅關係,有一定嘅入場人流管制;如果大家未來有機會去夜遊杜拜,或者可以去感受下呢條《John Wick》過山車!

 

麻生龍

麻生龍 客席編輯,中二病廢中,打機會自己講野自己笑,鍾意睇機械人動畫。單身寡佬,目前日本在住(流放)中。

追蹤

更多文章