【遊戲介紹】《怪物彈珠》開發商與迪士尼合作 全新手機遊戲《STAR SMASH》11 月 16 日登場

好記得兩年前《怪物彈珠》曾經同迪士尼合作推出一個期間限定嘅活動(傳送門),當年已經覺得呢個合作係非常神奇(米奇神化我仲用緊佢打廿五獄)。估唔到開發商 mixi 再次聯同日本迪士尼合作,今次正式推出一隻全新嘅手機遊戲《STAR SMASH》!

 

 

 

《STAR SMASH》官方就稱佢為一隻「共鬥 SMASH 動作遊戲」,咁「共鬥」唔洗多解釋啦,睇完遊戲一啲試玩片段「SMASH 動作遊戲」我簡單理解就係手機簡易網球遊戲操控方式加《撞磚》。收集嘅迪士尼角色就係玩家嘅技能或特殊能力,單人模式下玩家就帶四個迪士尼,共鬥模式就帶一個。

 


 

《STAR SMASH》 11 月 16 號就正式有得玩,依家事前登錄亦都開始,有興趣嘅就即刻去下面傳送門登記啦!

事前登錄傳送門

 

 

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast https://goo.gl/HRnxDW

追蹤

更多文章