【硬件週邊】PS5 實機開箱 與上代對比極「巨」氣勢

今日我地終於拎到 PlayStation 5 實機,梗係要立即開黎玩下先。由於官方有所限制,所以今次主要係圍繞機身外觀做介紹。廢話唔多講,即刻睇相先!

 

 

 

打開包裝盒,第一樣留意到嘅就係下圖說明。如果大家有買 PS4 Pro,應該都試過由 PS4 轉資料去 PS4 Pro,PS5 同樣有呢個功能。呢個功能好處係唔洗玩家再次下載遊戲、存檔以及各種主機設定,當然最正果樣係下咗架嘅遊戲可以直接過繼(例如《P.T.》),之後我地都會試下 PS5 可唔可以成功運行到《P.T.》。

 

 

今次跟機配件比較簡潔,分別係說明書 & 快速指引書仔二本、HDMI 2.1 線、USB A to C 線(今次手制用 USB-C 叉電)、電源線、底盤及 DualSense 手制一隻。值得留意嘅係底盤可以旋轉,調較至直立或橫臥使用,我地特別影橫臥嘅相俾大家參考下。

 

主機 & 配件喺晒度

底盤可旋轉調較至直立或橫臥使用

橫臥時底盤會用防滑膠「啜」住部機,吸力尚可

背面有二個勾仔扣實部機

 

最後大家關心嘅梗係部機嘅呎吋,我地特意拎部 PS4 Slim 機作出對比,新機極「巨」氣勢,安放家中有種穩如泰山嘅感覺。不過觀感呢樣野就好個人嘅,唔講太多,大家睇相感受下啦。

 

與 PS4 Slim 對比

 

PlayStation 5 將於 11 月 19 日於香港地區推出,光碟版售價 HK$3,980、數位版售價 HK$3,180。

 

五木

五木 動漫電玩宅,極愛金田一系列,擅長動作及策略遊戲

追蹤

更多文章