【遊戲新聞】新機記入手記得先改設定 PS5手掣預設開你咪!

PS5 你買唔買到都唔緊要啦,因為有冇機都要知!事關 PS5 DualSense 預設內置咪,本來都係想方便玩家之間溝通,不過原來係開咪的,呢點大家就可能會有啲唔習慣啦。所以當你喺多人對戰又或者開咗 Party,就算閣下冇插任何收音設備,手掣上內置咪都會幫你收晒現場聲音!

 

 

事源外媒 playstationlifestyle.net 總編 Chandler Wood 收到新機同朋友 Online 打嘅時候,發現聽到其他玩家嘅聲音,先察覺原來 DualSense 手掣上嘅咪一直開住!雖然閂咪個動作好簡單,不過顯示方式就比較新穎,事關著燈等於熄咪,熄燈先係開咪,成件事好易令人搞亂。

 

 

其實 PS5 嘅說明書的確寫明著燈先係靜音,不過新機上手唔熟個系統都係好小事,建議未習慣嘅玩家去設定度改成預設閂咪,咁就唔怕鬧人豬隊友果陣比人聽到啦!

 

 

 

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast https://goo.gl/HRnxDW

追蹤

更多文章