【遊戲介紹】扮演大台操控真相 《Not for Broadcast》製作誤導新聞愚弄群眾

近呢幾年香港人越黎越多人關心社會問題,特別係過去一年各種街頭抗爭,多數人都會睇多於一份報紙 / 新聞直播。原因其實好簡單,因為大家都發現傳統媒體好多都只會報導「部份事實」,又或者將片段左剪右剪為一條有誤導性嘅影片。《Not for Broadcast》係一款扮演新聞編輯室製作人嘅遊戲,玩家可以從中體驗製作誤導新聞愚弄群眾嘅感覺,極盡諷刺真實。

 

 

《Not for Broadcast》由 NotGames 製作,係一款模擬獨立遊戲,風格大約係八十年代,題材亦都充滿諷刺。玩家扮演電視台新聞編輯室製作人,主要負責製作「全國夜間新聞」節目。玩家要設計節目流程、控制四個鏡頭並混合畫面、選擇新聞標題等等。你可以選擇幫政權打飛機,製作假新聞發放消息操控輿論,又或者揭露事情真相並承擔後果,由玩家決定有咩應該播出有咩應該隱瞞,做人定做仆街完全取決於你嘅決定。

 

 

除咗製作節目,播放廣告都係重要一環。玩家要喺適當嘅時間插入廣告獲取收入,但同時有機會令觀眾不滿降低收視,影響收入。不過喺現實世界就算間電視台幾仆街,仍然會有人收睇,仲會千方百計諗藉口去合理化呢個行為,實屬悲歌。

 

 

《Not for Broadcast》喺 Steam 正進行搶先體驗,提供超過十個章節。

 

不撤不退

不撤不退,我愛香港。

追蹤

更多文章