【遊戲介紹】前往神秘南國小島尋找失蹤家人《Call of the Sea》克蘇魯風格第一視點解謎探險

 

瑞典遊戲發行商 RAW FURY 於 11 月 17 日公佈全新遊戲《Call of the Sea》,由西班牙獨立遊戲工作室 Out of the Blue Games 製作,係一隻克蘇魯風格第一視點解謎探險遊戲,同時亦係工作室首隻作品。《Call of the Sea》將於 2020 年 12 月 8 日正式推出,對應平台為 Xbox Series X|S、Xbox One、PC(Steam|Microsoft Store|GOG.com|Humble Bundle);遊戲推出當日將即時對應 Xbox Game Pass。

 

 

《Call of the Sea》以 1934 年代南太平洋小島作為遊戲舞台。主角 Nora 居於美國麻省,為一位已婚女性,手頭上持有死去母親的遺物「音樂盒」,但她得到音樂盒後,經常會在睡夢之時出現奇怪的夢境,而醒來之時,自己會感到異常炎熱疲累,手上更會出現微妙的色斑。

 

 

Nora 嘅丈夫 Harry 非常擔心妻子嘅情況,於是展開深入調查,後來拜訪「密斯卡托尼克大學(Miskatonic University)(編按:此大學為《克蘇魯的呼喚》作者 H.P. Lovecraft 旗下作品中出現的虛構大學)」搵到一相關資料,得知 Nora 嘅狀況,與南太平洋某個小島上嘅傳說似乎有所關聯。

然而,當 Harry 隻身前往小島後,從此下落不明;玩家飾演的 Nora 為咗尋回丈夫,因此而踏上旅途,前往被當地人視為禁忌嘅小島。

 

 

《Call of the Sea》加入左唔少克蘇魯神話嘅元素,不過比起以往大家玩過嘅同類型遊戲,《Call of the Sea》嘅重點並唔係擺喺瘋狂程度之上,而係著重於故事發展以及解謎部份。玩家必須善用遊戲當中收集到的物品、發現到嘅線索、破解島上面嘅機關或者難題,去搵返丈夫,以及解開自己身世之謎。

 

 

《Call of the Sea》將於 2020 年 12 月 8 日正式推出,對應平台為 Xbox Series X|S、Xbox One、PC;遊戲推出當日將即時對應 Xbox Game Pass,Steam 版本已確定對應繁體中文。

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章