【遊戲新聞】SE 經典 RPG 遊戲《SaGa Frontier》加入新角色危明年推出高清版本

 

Square Enix 宣佈將於 2021 年夏季推出《SaGa Frontier Remastered》,對應平台為 PS4|Nintendo Switch|Steam|iOS|Android,為 1997 年遊戲 《SaGa Frontier(復活邪神:邪神領域)》嘅高清版本。PlayStation 表示 PS4 版本可以經由後方互換機能於 PS5 上進行遊戲。

 

 

《SaGa Frontier》當年為 PlayStation 獨佔遊戲,為一隻主打高自由度嘅 RPG,同時亦為《SaGa》系列首隻 PS 遊戲作品。遊戲中設有七名角色,角色身份各異,玩家可以從中挑選一位去開始故事;並按照玩家於故事裡面嘅選擇,劇本與結局亦會因此產生分歧與變化,係一隻多彩而耐玩嘅經典 RPG 遊戲。

 

 

高清版本《SaGa Frontier Remastered》將會加入全新角色「修茲(ヒューズ)」,玩家只要通關七名舊角色嘅其中一條路線便可開啟新角使用。劇本由小說家「ベニー松山」撰寫,而新角色主題曲亦搵黎「伊藤賢治」重新創作,務求令玩家於遊戲中感到統一以及新鮮感。

 

 

戰鬥方面,遊戲與系列其他作品一樣,玩家可以學會新技(靈光一閃),同時加強玩家與同伴「連攜」而施展嘅各種戰鬥技能。除咗畫面、音效及系統上面嘅強化,亦會加入舊版遊戲無嘅新事件以及新功能,操作界面亦會根據現代家用機機能而有所調整,希望新一代玩家能夠從新感受一代經典遊戲嘅樂趣。

 

 

神婆

為咗兩隻貓嘅生活努力奮鬥,遊戲雜食向,全種類 RPG 專攻,重度聲優控。

追蹤

Facebook 更多文章