【作品介紹】反政權 行私刑 台灣風味女超級英雄漫畫《閻鐵花》

反政權行私刑、仲要係嚟自台灣風味嘅女超級英雄漫畫,聽到呢幾個主題溝埋一齊你已經唔諗想即刻睇呢?即時比個傳送門你飛去啦!(《閻鐵花》網上官方連載傳送門)

《閻鐵花》呢本漫畫正如我開頭所講之外,再睇埋呢個京劇女旦造型封面,仲說服唔到你走嘅,咁只好多謝你鍾意睇我寫嘅文啦!(拜謝)

 

三十年前京劇世家慘被滅門,唯一生還者閻鐵花背上滅門兇手之罪名而死於獄中。三十年後一個身穿京劇戲服唱住《白蛇傳》嘅直播殺人事件入面,殺人者自稱係當年死去嘅閻鐵花!警方核對容貌後,殺人者的確同 30 年前閻鐵花一模一樣!

 

《閻鐵花》預計有3-5冊,造型同主題你受唔受落就真係好主觀,不過畫功、分鏡、節奏真係好高質素,兼且仲有 7 話比你免費放上網比你任睇嘅時候,其實真係可以一試。

將京劇呢個傳統技藝加上超級英雄主題,主角仲要係個女反英雄,提材配搭已經值得支持。信和係有實體書賣緊,而且係已經有埋未連載到嘅第八、第九話,再唔係的話可以去博客來購買電子書版本都得!

 

 

 

 

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast https://goo.gl/HRnxDW

追蹤

更多文章