【遊戲新聞】《天能》《Inception》等作品改篇成遊戲?導演路蘭表示有興趣!

 

荷里活著名導演「基斯杜化路蘭(Christopher Nolan)」早前出席 The Game Awards 活動,其後接受主持 Geoff Keighley 訪問時,被問到有無將旗下電影改篇為遊戲嘅想法,導演路蘭大方表明自己「非常有興趣」。

路蘭旗下作品劇情深邃,例如以平行時空、線性時間等題材有關的《Interstellar》《Tenet》、以人類潛意識為題材的《Inception》、亦有樸實講述歷史事件刻劃人性的《Dunkirk》等等,絕大部份電影都會引起觀眾廣泛討論,亦因此成為唔少 Fans 心中的經典。

 

 

路蘭於訪談中表示,拍攝電影係一件艱巨而耗時嘅工作,而製作遊戲嘅難度可能更甚於拍攝電影,因為遊戲業界嘅工作環境有時頗為苛刻。佢亦表示,將電影作品改篇為遊戲係相當困難的,除卻版權方面的問題,到底如何將劇本以遊戲方式演繹、又如何於遊戲裡面加入獨有嘅遊玩元素,路蘭相信呢啲部份係將「電影改編為遊戲」嘅最大挑戰。

 

 

儘管如此,路蘭依然對於呢樣野感到十分有興趣,亦開放所有合作機會,例如與邊間遊戲公司合作等等。只係路蘭嘅作品劇情複雜,而將其成功改篇成遊戲絕對係一個巨大挑戰,作為玩家嘅我地,不妨靜候今次路蘭開綠燈以後,到底會有乜野有新嘅合作消息公佈吧。

 

 

神婆

神婆 正職為塔羅占卜師,唔神秘,無形象,為咗兩隻貓嘅生活努力奮鬥。日系遊戲及 RPG 專攻,重度聲優控。

追蹤

Facebook 更多文章