【遊戲新聞】經典橫向捲軸動作遊戲《魔界村》重製版 2 月登錄 Switch

 

Capcom 早前於 2020 年度「The Game Awards」活動期間宣佈,公司旗下經典橫向捲軸動作遊戲《魔界村》將重製登場,預計 2021 年 2 月 25 日以全新名義《經典回歸 魔界村(帰ってきた 魔界村|Ghosts ‘n Goblins Resurrection)》推出,對應平台為 Nintendo Switch。

 

 

《魔界村》系列於 1985 年初次推出,為八十年代著名嘅高難度動作遊戲,後來系列亦推出過唔少後續作品,相信係唔少資深玩家嘅童年回憶。是次重製的《經典回歸 魔界村》將會以 1985 年初代《魔界村》以及 1988 年《大魔界村》作為基礎藍本,亦配以現代技術,從而提昇整體遊戲系統及畫面。

《經典回歸 魔界村》將設有四種難度供玩家選擇,亦會保留遊戲特有關卡以及角色,希望新一代玩家都能感受一代經典嘅遊玩樂趣。

 

 

遊戲當中有多種武器及魔法元素,包括長槍、短劍、鐵錘、鐵鍊球、聖水等等,玩家亦可透過「魔珠樹」去獲取技能或魔法,包括控制落雷、火牆、落石等等元素,係一隻非常多彩而富有挑戰性嘅動作遊戲。

 

 

神婆

神婆 正職為塔羅占卜師,唔神秘,無形象,為咗兩隻貓嘅生活努力奮鬥。日系遊戲及 RPG 專攻,重度聲優控。

追蹤

Facebook 更多文章