【遊戲介紹】接龍都有得大逃殺 《NERTS! Online》支援最多六人線上互相廝殺

接龍呢隻遊戲年代久遠,時至今日應該無乜人唔識,不過勢估唔到一隻基本上「定晒型」嘅遊戲都有新玩法,就係將佢變成有「大逃殺」元素嘅版本。《NERTS! Online》就係一款六人紙牌接龍對決遊戲,喺「牌場」上與好友互相廝殺吧!

 

 

《NERTS! Online》由獨立遊戲團隊 Zachtronics 開發,遊戲加入大逃殺元素,不過基本玩法同一般接龍差唔多,都係每位玩家各自分配 52 張牌,然後最前 13 張牌放置於上方,依次將卡牌移動至其他列或者放於畫面中間的牌堆,最快清除所有卡牌者勝。喺呢隻遊戲入面,由於加入多人連線對戰,所以就變為六人中最快將 13 將卡牌清除,並按下「Nerts!」鍵取勝。另外畫面中間嘅牌堆會變為共用,所以遇到無牌出時,只要等一陣有對手出牌,你就會有機會跟住出牌。

 

 

《NERTS! Online》除咗多人連線對戰外,亦可以單人遊玩,但係就同普通接龍差唔多。遊戲現時已經喺 PC Steam 平台上架並提供免費下載,有興趣嘅不妨約埋朋友廝殺吧。

五木

五木 動漫電玩宅,極愛金田一系列,擅長動作及策略遊戲

追蹤

更多文章