【遊戲新聞】官方新增挑戰性功能《Phasmophobia》鬼魂可以聽到玩家對話作出攻擊

 

於 2020 年推出嘅四人合力 Co-op 恐怖遊戲《Phasmophobia》推出更新,遊戲裡面嘅鬼魂在遊戲更新後,可以聽到玩家經由咪高峰發出嘅嘅聲音,從而進行攻擊及追蹤,令遊戲難度更為提昇。

工作室 Kinetic Games 表示,製作遊戲時並沒有將「玩家發出的聲音會驚動鬼魂」的念頭,不過根據佢地於網路上面嘅觀察,唔少玩家都於一開始就假設左「啲鬼會聽到我地講野!」,工作室認為呢個想法非常有趣,所以決定將計就計,正式將呢個機能加入到遊戲當中。

 

 

工作室表示,玩家經由咪高峰說話嘅音量越大聲,就越容易被鬼靈發現;所以就算係一隻聯機嘅恐怖遊戲,玩家都要控制自己說話、驚呼、尖叫嘅聲量,如果唔係會死得仲快。

 

 

今次嘅更新仲修復咗幾樣 Bug 或者會令遊戲難度更加提高,包括玩家未必可以再好似之前咁匿喺儲藏室嘅木板後面、或者於監獄外牆行走等等。遊戲於 2020 年於 Steam 平台上開始 Early Access 之後,馬上受到玩家熱鬧歡迎,人氣一直高企,工作室因此亦表示將會調整未來遊戲發展的藍圖,希望可以再呈現更多樣化的地圖及內容比各位玩家,希望大家繼續期待。

《Phasmophobia》已經推出,操作介面支援繁體中文。

 

 

神婆

神婆 正職為塔羅占卜師,唔神秘,無形象,為咗兩隻貓嘅生活努力奮鬥。日系遊戲及 RPG 專攻,重度聲優控。

追蹤

Facebook 更多文章