【遊戲介紹】極濃厚復古味忍者動作遊戲 《異度闇影》像素風格獨立製作

懷舊復古遊戲入面,平面橫向動作類不嬲都極受歡迎兼且歷久不衰,所以時至今日都不停 Keep 住有出呢類型遊戲。喺今個月又會有一款同類型遊戲《異度闇影》(Cyber Shadow),整體感覺極有《忍者龍劍傳》味,對呢類遊戲有興趣嘅朋友留意啦。

 

 

《異度闇影》(Cyber Shadow)屬平面橫向動作遊戲,由 Mechanical Head Studios 製作,不過主要製作人都係得 Aarne Hunziker 一個人。遊戲講述世界已被邪惡博士以及佢手下嘅機器人軍隊所佔領,主角闇影為咗絕望嘅人們踏上旅途,幫世界恢復秩序。遊戲類似一般橫向動作遊戲,主要都係使用斬擊、跳躍、衝刺等動作遊玩,當然隨角色成長就會解鎖各種忍術及能力,例於二段跳、手裡劍、交叉互擊等等,後期更會學到召喚火、衝擊砍殺等高階技能。

 

 

另外,遊戲中嘅傳統 8-bit 風格點陣圖,結合高流暢度、多層次捲軸背景等,畫面表現不俗。至於頭目戰,根據官方資料現時有超過 12 隻末日頭目登場,由巨型戰爭機器到合成生物都有,外型設計亦都唔錯。

 

 

《異度闇影》(Cyber Shadow)預計於 1 月 26 日發售,對應平台為 PS4 / PS5 / Xbox One / Nintendo Switch / PC Steam,需注意 Xbox 版只有英、美地區發售。

五木

五木 動漫電玩宅,極愛金田一系列,擅長動作及策略遊戲

追蹤

更多文章