【遊戲新聞】《RDR2》變成美國大學歷史教程:教授表示用黎教美國史一流!

 

於 2018 年推出嘅《Red Dead Redemption 2(碧血狂殺 2)》為 Rockstar 工作室最新一隻作品,以美國近代史作為背景,故事裡面真實嘅人性化描寫以及深邃嘅劇情故事,被唔少玩家視為新一代嘅經典。

美國 University of Tennessee(田納西大學)歷史學科教授 Tore Olsson 唔單止認同《RDR2》係一隻出色嘅遊戲,佢甚至認為兩代嘅《RDR》都係出色嘅美國歷史教材;佢更將今個學期開嘅美國歷史科課程定名為「HIUS 383: Red Dead America」。

 

 

Tore Olsson 教授表示,以《RDR2》去令學生理解 1899~1911 年期間嘅美國發展,係極為適合嘅活動教材,可以藉住遊戲去同學生講解當時嘅殖民主義、資本主義、種植歧視等等社會狀況。

教授認為,遊戲雖然有唔少曲解歷史嘅地方,不過佢認為以電玩遊戲以代入教學,唔單止可以引起學生興趣,仲可以將遊戲當中嘅矛盾點同學生討論咁話。

 

 

聽講「HIUS 383: Red Dead America」而家吸引左好多本身唔係讀歷史嘅同學去 Reg!咁又係嘅,呢位教授唔單止尊重自己國家文化產業,亦樂意去諗辦法去令學生了解真實嘅歷史面貌,呢份熱誠唔係人人都有,可以自由教授歷史亦都唔係理所當然,希望田納西嘅同學們好好享受呢一堂課!

 

 

神婆

神婆 正職為塔羅占卜師,唔神秘,無形象,為咗兩隻貓嘅生活努力奮鬥。日系遊戲及 RPG 專攻,重度聲優控。

追蹤

Facebook 更多文章