【遊戲新聞】PS4 獨佔遊戲將會逐步登陸 PC《Days Gone》將於今年春季率先上架

 

PlayStation 表示會改變策略,今年起將會逐步將 PS4 獨佔遊戲移植到 PC 平台上面,第一隻推出嘅遊戲將為《Days Gone(往日不再》。

PS 總裁 Jim Ryan 接受 GQ 訪問時表示(報導於 2021 年 2 月 23 日刊登),2021 年春季開始,公司將會逐步將 PS4 獨佔嘅自家遊戲移植到 PC 平台上面; Jim Ryan 並表明,認為將遊戲放到更多平台上面,可以吸納更多類型嘅玩家,有利於營銷以及遊戲市場。

 

 

繼 2020 年尾《Horizon Zero Dawn》移植 PC 後,2021 年首隻上架作品將為 2019 年 4 月 26 日推出嘅《Days Gone》。《Days Gone》為一隻第三視點末世求生單機 RPG,玩家飾演賞金獵人 Deacon St. John,在世界發生致命疫症後努力求生嘅故事,玩家會遇到如同喪屍一樣嘅「異變者」以及各種氣候、動物嘅生命威脅。不過《Days Gone》於玩家之間評分亦頗為兩極,有玩家認為遊戲耐玩性高,亦有玩家認為遊戲欠缺特色以及主線沉悶。

暫時已知嘅係,PC 版本《Days Gone》將會在畫質及 Frame 數上進行提昇,同時會包含所有 DLC 資料包,亦會新增類似挑戰模式嘅 Survivor Mode。

PlayStation 日後會再公佈下一輪移植 PC 作品,有新消息會再為大家報導。

 

神婆

為咗兩隻貓嘅生活努力奮鬥,日系遊戲及 RPG 專攻,重度聲優控。

追蹤

Facebook 更多文章