【玩物評測】挑戰Fans忠愛之作 LEGO 71741 旋風忍者之城 城市花園 開箱簡評

LEGO NINJAGO 算係呢十年內唯一站得住腳嘅 LEGO 原創系列,十年嚟大大小小嘅產品之中,70620 NINJAGO City 係成個系列巔峰之作,應該都冇乜玩家反對。我好理解喺一個咁難超越嘅頂峰面前,要出件十週年紀念產品嘅挑戰性係非常之高,同時可以話有住一件極高水評嘅前作可以借鑑。

 

 

如果你已經將  71741 NINJAGO City Gardens 搶先入手但未開始砌,又或者諗住作收藏之用的話,我勸你都係唔好睇落去,免得忐忑不安。仲考慮緊嘅時候,以下嘅簡評希望能夠幫你一把!

 

71741 NINJAGO City Gardens – 5685 件 – USD $299.99 (香港售價 $2399)

19 個角色,但係仲有一啲作為裝飾嘅 Minifigures ,所以總數達 21 隻之多。

吳大師呢個金雕像就只得呢盒先有,對於儲開呢個系列嘅 Fans , 呢隻 Minifigure 特別珍貴。

26 個部份,主樓佔 22 部份,23-26 就係額外加上去嘅聖殿島 Temple Island

貼紙數量有成 66 張之多

望一望兩本說明書嘅封面設計你都睇得到邊件有落過心思

成棟建築嘅介紹得半板,另一半就重新再介 NINJAGO 忍者語言

送張 2018 年 Joshua Deck 設計嘅海報,可惜呢個風格我就好一般啦

製作過程

 

  • 地基

開初地基部份特登做返啲排水管,仲可以覺得係致敬前作

 

水管另一邊預留嘅空間就用作 Ronin 當鋪密室

 

完成地基之後係覺得有種小清新花園感覺

 

 

  • 下層建築

下層 4 個單位結構,每一個單位都係一個獨立主題,但可用嘅空間不足 6×8 格,內部細節大部份都係有咁細得咁細、有咁少得咁少,再唔係就貼紙補上。

Ronin 當鋪已經叫做多細節架啦

小食店

茶居 (謎之聲:冇茶杯茶壺,我仲以為係中醫館)

NINJAGO Fans 住所,最特別係床下底可以收埋個暗格

下層保留古色東方建築味道,外觀睇落仲算順眼

 

  • 中層

重新建構一個「L」型行人道成為中層建築嘅支撐點,中層兩個單位 (雪糕店、陳大師麵館)相對下層單位只係多十零格空間,同樣只能足夠一個多少少 Minifigure 擺放空間。除左陳大師麵館個招牌滿足 Fans 終於有隻「陳大師 Minifigure」之外,雪糕店屋簷用大量「菜刀」組成,係其中一個有趣嘅地方。

 

雪糕店

陳大師麵館 係 NINJAGO Fans 期待實現嘅其中一個建築,不過當一個有迴轉壽司式輸送帶嘅新式麵館,變左得一張枱嘅舊式餐店,唔知係咪陳大師麵館嘅懷舊主題鋪

 

  • 上層

上層部份包括 NINJAGO 歷史博物館 (Museum of History) 、禪宗花園 (Zen Garden)、NINJAGO 忍者休閒場所 (The NINJAGO Zone) 以及學生公寓(?)。作為 10 週年紀念產品,頂層 NINJAGO 歷史博物館應該係重點部份,等大家回顧一下 NINJAGO 嘅經典時刻。當中十多件展品,Fans 一定「好鍾意」!

 

博物館最值得一讚嘅係有一邊牆可以輕易拆卸,真正令玩家可以睇得清清楚楚。可惜「展品」一半以上係貼紙。得 71705 同 70751 嘅微縮版本係以組件拼合而成

 

71705 Destiny’s Bounty 都叫認得出,70751 Temple of Airjitzu 就真係未必個個認得到

屋頂吊住嗰條龍骨,唔通係上年出品嘅 71721 Skull Sorcerer’s Dragon 微縮版?

學生公寓都有簡易拆牆設計,先唔講點解無啦啦要擺間「學生公寓」喺博物館隔離,特登間個 8×5 格嘅空間就係為左擺幅 70620 NINJAGO City 嘅貼紙畫,點解唔好好地將全層比晒歷史博物館呢?完全摸不著頭腦

禪宗花園下面收個夾萬,又冇話唔得嘅 (笑)

最後係休閒場所加上衛星天線以及控制室,淨係呢部份已經佔 71741 一半高度

休閒場所係最多野可以「玩」嘅部份,活動梯、街機以及 NINJAGO City 必定有嘅電影海報設置。

 

呢隻「蝦」主要係對應 70620 牆身「河豚」裝飾

衛星塔嘅主要目的,原來係收藏替換嘅電影海報,不過就要將塔拆開先拎得到出嚟

主大樓完成

71741 NINJAGO City Gardens 其中一個賣點,就係可以將每一部份輕鬆分開逐舊玩,但係又唔可以唔同單位互換位置,咁仲有咩可玩?

 

  • 聖殿島

聖殿島 (Temple Island) 其實係將故事原本放於 NINJAGO Park,紀念冰忍 Zane 第 3 季犧牲嘅雕像搬到嚟 NINJAGO City Gardens,係以陳大師以外另一個隱藏角色。

 

獨立睇聖殿島部份係幾靚,簡單而且對 NINJAGO Fans 有個幾深嘅回憶

 

 

 

 

可惜嘅係放落主建築當中又唔係好夾,如果當一個連接部件去同 70620 Ninjago City 或 70657 NINJAGO City Docks 又唔係好需要

 

Minifigures

71741 NINJAGO City Gardens 以 10 週年做主打,吳大師個金身就絕無失禮,獨家得呢 Set 先有,仲要係全新印刷,Fans 如果只係為佢而入手就真係無失望!加上一 Set 齊晒 6 個主角,基本上除左紅忍赤地 (Kai) 之外,所有 Minifigures 都話得上係獨家。RoninClutch Powers黑髮版綠忍勞埃德媽媽 Misako 至到70734 Master Wu Dragon 當中出現過唯一一次吳大師隻狗,都重新一次出現喺大家眼前Minifigures 部份又的確中晒 Fans 嘅心意。

 

 

吳大師金身 (Wu)

忍裝主角:藍忍阿光 (Jay)、冰忍 (Zane)、紅忍赤地 (Kai)、年輕綠忍勞埃德 (Young Lloyd)

便服裝主角:黑忍阿剛 (Cole)、赤蘭 (Nya)、阿光 (Jay)

黑髮版綠忍勞埃德媽媽 Misako、Clutch Powers、Ronin

Cece、The Mechanic

Sensei Wu’s Dog、Tito、Kaito、Hai

Eileen、Christina、Mei

Scoop

相集

 

 

總結

71741 NINJAGO City Gardens 成個產品宣傳著墨於 10 週年、 Minifigures多、組件多,淨係展示過部街機,大家以為仲有收埋啲咩精彩之處,結果就只係得咁多。

組裝方法雖然方便,但用件數及製作時間多好多。完整砌好之後,想拆開逐個獨立單位拎嚟玩嘅時候,你會發現其實冇乜野好「玩」,可以話連 70657 Ninjago City Docks 都比唔上。甚至你會覺得佢只係將 70620 嘅外觀改頭換面塔過個場景出嚟。至於內部結構空間、細節、玩味完全唔能夠稱得上合格。甚麼 Fans 期待想要嘅 NINJAGO 世界,變成只係山寨式拼搭,有其名卻非其形。為個簡易結構而放棄細節同機關,呢個決定可以話大錯特錯,亦係 71741 最主要嘅致命傷。

71741 NINJAGO City Gardens 最有價值嘅地方除左 Minifigures 外,佢用左好多新穎嘅方式同組件配搭去做咁多個單位嘅屋簷,黑菜刀、黑腸仔、黑寶箱蓋等等,當中亦有大量罕見組件,對創作者去做作品係好實用。 NINJAGO 系列向來都好多新花款新玩意,回想過往又飛機、又陀螺、又扮遊戲機世界,載具、機械人樣樣都出色,10 週年紀念產品嘅價值,喺 Fans 心中定必有數,但作為一個積木玩具,好玩係緊要過一切。

 

 

71741 NINJAGO City Gardens

  • 發售地點:LEGO Certified Store
  • 地址:
    • – Langham Place L12 Shop 01B
    • – Times Square Shop 902-3C
    • – New Town Plaza Shop 416
    • – Cityplaza Shop 012
    • – Tuen Mun Town Plaza Shop 2217

 

 

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast https://goo.gl/HRnxDW

追蹤

更多文章