【玩物評測】超水準《西遊記》立體故事書 LEGO傳奇花果山 開箱評測

以《西遊記》做創作靈感嘅全新 LEGO系列《LEGO Monkie Kid 悟空小俠》,上年產品推出嘅時候動畫未上架,大家對呢個新系列唔太熟識,評價相當麻麻。後來《悟空小俠》搵張衛健聲演齊天大聖孫悟空,大人細路都對此極大好評,同時令玩家們開始留意呢個系列產品。然而亦有不少玩家覺得 LEGO Monkie Kid 產品太科幻,唔夠傳統同簡單,始終仲有啲卻步。

 

 

LEGO Monkie Kid 悟空小俠》第二季產品當中,官方可能聽到大家嘅訴求,特登整返盒大大座嘅花果山出嚟。唔科幻兼且一盒「講」晒成個《西遊記》孫悟空起源,由石猴美猴王孫悟空講到齊天大聖,亞洲地區男女老幼都熟悉嘅經典民間故事。

 

80024 The Legendary Flower Fruit Mountain 傳奇花果山 – 1949 件 – USD $169.99 (香港售價 $1359 )

18 包組件可以分成 3 部份,1-6 包括右側「仙石化靈猴」、「嬉遊花果山」;7-13 為中間「勇闖水簾洞」;14-18 就有「雲遊來仙道」、「覓得金箍棒」、「真假美猴王」。

說明書同貼紙用硬卡紙獨立包裝,啱晒追求完美嘅收藏者使用

 

貼紙總共28張,9張繁體中文字、9張水流效果、4張虎紋、3張藤蔓,加3張雜貼,數量尚可接受

場景

仙石化靈猴:

「蓋自開闢以來,每受天真地秀,日精月華,感之既久,遂有靈通之意。內育仙胞,一日迸裂,產一石卵,似圓毬樣大。因見風,化作一個石猴,五官俱備,四肢皆全。」

節錄 《西遊記 – 第 1 回》

 

成日話孫悟空石頭爆出嚟,依家就真係用 LEGO 做一次你睇啦!爆!

個機關就係咁簡單

石卵、山峰兩部份仲可以獨立分開,玩「爆石」時非常好方便!(笑)

 

嬉遊花果山:

那猴在山中,卻會行走跳躍,食草木,飲澗泉,採山花,覓樹果;與狼蟲為伴,虎豹為群,獐鹿為友,獼猿為親;夜宿石崖之下,朝遊峰洞之中。真是:「山中無甲子,寒盡不知年。」

節錄 《西遊記 – 第 1 回》

 

一個小石山場景加兩粒蘋果當「花果山」,獨立睇係有少少兒嬉。但係擺埋兩隻猴子、猴孫上去,成件事生動活潑晒。

 

 

當右側兩部份放埋一齊,雖然只係頭 6 包組件,睇落已經非常豐富,而佔地已接近半座街景大屋嘅空間。幸好 80024 係「分體式」設計,唔係嘅話香港寸金尺土,都唔知點收藏…(汗)

 

勇闖水簾洞:

一派白虹起,千尋雪浪飛。
海風吹不斷,江月照還依。
冷氣分青嶂,餘流潤翠微。
潺湲名瀑布,真似掛簾帷。

眾猴拍手稱揚道:「好水,好水!原來此處遠通山腳之下,直接大海之波。」又道:「那一個有本事的,鑽進去尋個源頭出來,不傷身體者,我等即拜他為王。」

節錄 《西遊記 – 第 1 回》

 

水簾洞瀑布嘅效果出色,全靠呢隻珍珠藍色嘅半透明件,光照下反射紫藍色,令到水流效果更像真。

 

水簾洞瀑布機關

值得加分嘅就喺瀑布下岸邊位置,用不同透明件去營造流水、浪花等效果。

 

雖然只係貼紙,但都叫還原得到原著中,以楷書寫住「花果山福地 水簾洞洞天」兩行大字。

 

洞內就係孫悟空嘅居所

有睇《悟空小俠》嘅你,認唔認得孫悟空經常食嘅嗰包「桃片」呢?!

瀑布隔離仲有棵桃樹做裝飾

水簾洞部份最後隻仙鶴唔只係畫龍點睛,令花果山更有種「仙氣」,亦帶領住玩家進入下一部份「雲遊來仙道原著講到孫悟空去到三星洞拜菩提祖師為師,描述三星洞環境時係提到附近真係有仙鶴!「時聞仙鶴唳,每見鳳凰翔。仙鶴唳時,聲振九皋霄漢遠;鳳凰翔起,翎毛五色彩雲光。」

仲有三份一未完成,已經大到將枱唔夠位放….(汗)

 

雲遊來仙道:

「觀棋柯爛,伐木丁丁,雲邊谷口徐行。賣薪沽酒,狂笑自陶情。蒼逕秋高,對月枕松根,一覺天明。認舊林,登崖過嶺,持斧斷枯籐。收來成一擔,行歌市上,易米三升。更無些子爭競,時價平平。不會機謀巧算,沒榮辱,恬淡延生。相逢處,非仙即道,靜坐講黃庭。」

節錄 《西遊記 – 第 1 回》

 

 

呢部份講述孫悟空出發學藝嘅情景,大家所見嘅伐木工具,除左可以代表孫悟空伐木成舟出海,亦有意代表佢喺旅途上聽到樵夫所唱嘅一首歌詞。

真係伐木丁丁

上層嘅吊橋,好有決戰場景味道呢?其實呢條橋佢係原著花果山水簾洞後嘅鐵板橋

 

覓得金箍棒:

悟空撩衣上前,摸了一把,乃是一根鐵柱子,約有斗來粗,二丈有餘長。他儘力兩手撾過道:「忒粗忒長些,再短細些方可用。」說畢,那寶貝就短了幾尺,細了一圍。悟空又顛一顛道:「再細些更好。」那寶貝真個又細了幾分。悟空十分歡喜,拿出海藏看時,原來兩頭是兩個金箍,中間乃一段烏鐵。緊挨箍有鐫成的一行字,喚做:「如意金箍棒,重一萬三千五百斤。」

節錄 《西遊記 – 第 3 回》

 

正面睇,大家只係見到「齊天大聖」嘅虎紋寶座,但係都冇東海龍宮點樣「覓得金箍棒」?答案原來喺後面!

反轉後面一睇,原來就係東海龍宮嘅入口

拎完金箍棒,咁先齊裝備做「齊天大聖」架嘛!

 

真假美猴王:

模樣與大聖無異:也是黃髮金箍,金睛火眼;身穿也是綿布直裰,腰繫虎皮裙;手中也拿一條兒金箍鐵棒;足下也踏一雙麂皮靴;也是這等毛臉雷公嘴,朔腮別土星,查耳額顱闊,獠牙向外生。

這大聖怒發,一撒手,撇了沙和尚,掣鐵棒上前罵道:「你是何等妖邪,敢變我的相貌,敢占我的兒孫,擅居吾仙洞,擅作這威福?」那行者見了,公然不答,也使鐵棒來迎。二行者在一處,果是不分真假,好打呀:兩條棒,二猴精,這場相敵實非輕。

節錄 《西遊記 – 第 58 回》

 

呢部份獨立睇的話古古怪怪,完全唔知佢係乜呢?

實際上佢原來係一個模擬對戰平台機關!

 

傳奇花果山:

咁多個場景大結合之後,第一樣要力讚嘅地方,必定係說明書同製作過程嘅配合。將孫悟空前半生嘅故事融入製作流程當中,比過往好多產品更有故事性。場景製作方向跟據中文直式畫寫以右至左,將中國傳統文化灌注於其中,比 LEGO 中國節日主題產品 更有傳統味道。

Minifigures

8 隻 Minifigures 中 7 隻係馬騮。除左齊天大聖之外,連主角悟空小俠 齊小天都換左第二季嘅全新造型。

先睇最細兩隻馬騮,雙表情設計,過往拎嚟當做貓尾嘅組件,今次拎嚟變左猴尾。個髮型喺後面睇似唔似 Monchhichi

如果你上年冇買 80012 Monkey King Warrior Mech 齊天大聖黃金機甲的話,今次可以補返隻齊天大聖造型嘅人仔啦!

齊小天第二季新造型;六耳彌猴就暫時第一次喺產品出現

 

最後補充少少資訊,六耳彌猴「六耳」並唔係代表有”六隻耳仔”,「六耳」係代表「第三者」。喺原著中孫悟空拜菩提祖師時曾經講過「此間更無六耳,止只弟子一人,望師父大捨慈悲,傳與我長生之道罷,永不忘恩。」六耳彌猴《悟空小俠》第九集 (官方Youtube連載傳送門)登場時嘅身份同目的,原全回應「六耳」之名。

而且特登喺 80024 呢盒產品包括六耳彌猴,除左依《西遊記》一樣六耳彌猴扮過孫悟空佔領花果山;同時亦呼應《悟空小俠》劇情,令大家可以重演孫悟空、齊小天以及六耳彌猴三人混戰嘅一幕。

 

相集

 

 

總結

80024 The Legendary Flower Fruit Mountain 傳奇花果山一個花果山可以容納 6 個《西遊記》孫悟空嘅故事場景,壯麗兼且美觀。可惜定價過千,呢個價格亦令不少玩家卻步。喺極高期待嘅情況下亦毫無失望,拼砌過程清晰、爽快,機關同細節簡單而有啟發性。唯一建議係希望同 AR 系統互動,令到如 80024 呢類極具故事性嘅產品,能夠更加生動有趣。

 

  1. 一件玩具可以睇晒《西遊記》孫悟空起源,由石猴、美猴王、孫悟空講到齊天大聖,真真正正做得到「用產品說故事」。
  2. 三個場景中包含大量原著花果山細節,機關設計非常有趣
  3. 一盒有晒7隻馬騮加隻齊小天
  4. 場景可塑性高
  1. 定價略高
  2. 展示空間需求極大

 

80024 The Legendary Flower Fruit Mountain 傳奇花果山

發售地點:LEGO Certified Store
地址:
– Langham Place L12 Shop 01B
– Times Square Shop 902-3C
– New Town Plaza Shop 416
– Cityplaza Shop 012
– Tuen Mun Town Plaza Shop 2217
WhatsApp:56826528/ //bit.ly/2Ppt705

 

阿九

打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast //goo.gl/HRnxDW

追蹤

更多文章