Capcom 於線上節目「Monster Hunter Special Program 2021.03.8」公佈，將會於 2021 年 3 月 12 日為《Monster Hunter Rise》試玩版提供更新，玩家將可以挑戰新增敵人「怨虎龍」。

「怨虎龍」為今次《Monster Hunter Rise》嘅主題魔物，有住厚重盔甲般嘅外皮，亦會於捕獲其他魔物後噴出猶如鬼火嘅紫色氣體，屬於牙龍科，與「雷狼龍」同樣地擁有強壯四肢，以及具有攻擊性的尾巴。

今次「怨虎龍」嘅設計據說係以「日本怨靈武士」作為靈感，不過將作為《Monster Hunter Rise》封面龍嘅佢，於剛登場之時，日本網友就似乎唔係太收貨，話佢造型唔夠英氣同威猛，龍如其名係「怨婦龍」，唔知香港玩家又有乜野睇法？轉個角度睇，遊戲尚未推出已經有外號，絕對都係玩家愛嘅表現（誤）！

《Monster Hunter Rise》將於 2021 年 3 月 26 日正式推出，試玩版現正公開下載中，「怨虎龍」將於 3 月 12 日正式更新到試玩版當中。