【遊戲介紹】解謎冒險恐怖遊戲 《Nascence》造訪女巫處決場地尋找骨灰

今次介紹嘅遊戲《Nascence: Anna’s Songs》其實係 2012 年上市嘅《Anna》續作,不過就算無玩過上集都無問題,有新嘅故事線,而且齋玩推理解謎已經好飽,鍾意用腦嘅玩家非常值得留意。

 

 

《Nascence: Anna’s Songs》由 Dreampainters Software 製作,係一款解謎冒險遊戲,採用第一身視點。遊戲延續上集世界觀,不過今集故事係完全獨立,所以無玩過上集都無問題。故事講述主角 Thomas 去到小鎮 Reluné 尋找因為魔女狩獵而被燒死嘅魔女「Anna」骨灰,但係佢嘅骨灰已經被邪教團體私有,而且因為強大嘅力量令到當地人民出現各種疾病同奇怪現象。於是同該邪教敵對嘅組織就邀請 Thomas 幫手,並且喺執行任務中途遇到一連串恐怖神秘事件。

 

 

遊戲中嘅美術不俗,氣氛營造出色,日間小鎮美麗平靜、晚間則陰沉恐怖。至於解謎部份雖然暫時未有相關細節,但考慮到上集嘅表現,謎題難易度應該都有返咁上下,而且根據官方介紹玩家解開各種謎題之後先拼湊到村莊嘅秘密,越解得多劇情就越轉折,加上二周目要素,劇情體驗方面令人期待。

 

 

《Nascence: Anna’s Songs》預計於 2021 年發售,對應平台為 Xbox Series X|S、PS5、PC Steam。

 

五木

五木 動漫電玩宅,極愛金田一系列,擅長動作及策略遊戲

追蹤

更多文章