【遊戲新聞】開放世界大型喪屍生存遊戲 《The Day Before》最新實機影片展示戰鬥探索玩法

之前我地介紹過,畫面極靚兼且勁有《全境封鎖》喪屍版味道嘅遊戲《The Day Before》,日前就經外媒 IGN 出咗條新實機影片,用接近 13 分鐘展示包含戰鬥、駕駛、探索搵資源等系統,睇完令人更加期待。

 

 

《The Day Before》由 Fnatastic 開發,係一款開放世界多人大型線上生存遊戲,採用第三身視點。遊戲舞台位於美國近紐約地區,因為病毒大流行爆發,感染者變得渴求人肉,倖存者亦互相殘殺爭奪物資,而我地所扮演嘅角色因為喺病毒爆發前一晚處於昏迷狀態避過一劫,醒來之後發現已經唔係佢所熟悉嘅世界,為咗生存決定同其他玩家合作或者合力廝殺。

 

 

影片中開頭就展示玩家駕駛車輪穿越泥地,中間因為爆胎而要前往加油站尋找物資維修,探索期間遇到喪屍襲擊。大家可以喺片中見到本作嘅駕駛、戰鬥、資源收集等系統及操作,喺片中見到有可供搜刮嘅資源並無特別顯示,喺搜索上更添難度。另外畫面左下角嘅三個 Icon,分別係係飢餓度、口渴度以及體溫值,影片所見口渴度下降得都幾快,生存要素相信都佔一定比重,玩落更係末世生存感,正!

 

 

《The Day Before》已登上 PC Steam 商店頁面,預計推出日期為 2021 年 4 月至 6 月,對應繁體中文。

 

相關文章回帶:

【遊戲介紹】開放世界大型喪屍生存遊戲 《The Day Before》極靚畫面末世求存

 

五木

動漫電玩宅,極愛金田一系列,擅長動作及策略遊戲

追蹤

更多文章