《二之國 2（Ni No Kuni 2）》日前被發現登錄在 ESRB（北美娛樂軟件分級委員會）網站上面，申請人為 BANDAI NAMCO Entertainment America Inc.，而遊戲目前已完成遊戲歸類（T – Teen），而對應平台為 Nintendo Switch；換句話講，相信呢隻出色嘅 RPG 作品能夠出現在 NS 平台會係指日可待嘅事了。

《二之國 2》正名為《二之國 2 王國再臨》，為 LEVEL-5 開發並由 Bandai Namco 發行嘅系列作 RPG，於 2018 年 3 月 23 日首次推出，當時對應平台為 PS4 以及 PC Steam。當時遊戲承繼第一代濃濃嘅吉卜力風格、以及搵黎久石讓老師黎製作遊戲音樂，因此於推出前已獲得唔少玩家注目。

《二之國 2》無論於劇本、戰鬥、經營系統方面都獲得唔錯嘅評價，與 Square Enix 於同年推出嘅《OCTOPATH TRAVELLER 八方旅人》同為 2018 年出色嘅 JRPG 作品。 NS 版本推出日子目前未有公佈，有新消息會再為大家報導。