大人氣作品《來自深淵》以可愛畫風包裝配以暗黑故事，加上獨特有深度嘅世界觀吸引大量 Fans，而且喺 2017 年改編動畫推出之後人氣更上一層樓。今日 Spike Chunsoft 就宣布即將推出改編自本作嘅遊戲《來自深淵 朝向黑暗的雙星》，並預計於明年於多平台發售，中文版預定同日版同步發售。

《來自深淵 朝向黑暗的雙星》係一款 3D 動作角色扮演遊戲（日版特別標註難度「度し難い」），採用第三身視點，最重要嘅係遊戲分級為「Z 級」（血阿！）。遊戲將去到深淵世界，喺成長同時往深淵最深層推進。玩家除咗會再次體驗電視動畫版嘅劇情，仲有由原作者つくしあきひと老師監修嘅原創故事，一眾原作角色亦會登場，而且劇情事件亦會由電視動畫版聲優陣容進行全語音演出。

漫畫版《來自深淵》劇情講述喺每一個角落都被探索過嘅世界中，唯一未知嘅地方「阿比斯」係一個深不見底嘅巨大洞穴，雖然棲息住各種危險生物，但同時有著人類無法製造嘅貴重遺物。為咗尋寶，探窟家們陸續前往挑戰，而住孤兒莉可就夢想成為有如母親一樣偉大嘅探窟家，解開深淵之謎。有一日，莉可探險途中執到一部少年樣貌嘅機械人，故事就此展開。

遊戲原創故事

在莉可等人踏上前往深淵之旅的數日後，另一段關於深淵的故事就此拉開序幕。世界上僅存的最後一個巨大深窟「深淵」，許許多多的故事在其中誕生……然後消逝。

故事中的登場人物們都受到「深淵」的魔力吸引，朝著「奈落的盡頭」前進。接下來將展開的故事，是另一個發生在「深淵」中，不為人知的探窟譚。

《來自深淵 朝向黑暗的雙星》現時釋出嘅資料非常有限，遊戲系統等等不明，要等待官方進一步消息發表，不過喺官方發出嘅圖片入面見到人物生命值下方有堆 Icon，應該係饑餓度、口渴度、心情、溫度、睡眠值，預計將會有大量生存要素。遊戲預計於 2022 年推出，對應平台為 PS4、Nintendo Switch 及 PC Steam，對應繁體中文。