【遊戲新聞】人龍工作室 x 木村拓哉第二集《審判之逝:湮滅的記憶》暫未有登錄 PC 平台的計劃

 

2018 年推出嘅《審判之眼:死神的遺言(Judge Eyes)》於 2021 年 5 月 7 日正式宣佈推出續集《審判之逝:湮滅的記憶(Lost Judgements)》,暫定 2021 年 9 月 24 日全線上架,對應 Xbox One|Series X|S 及 PS4|5。

 

 

是次《審判之逝:湮滅的記憶》除左木村拓哉繼續擔任主角「八神隆之」之外,班底仲加入咗玉木宏、山本耕史等等知名日本演員,而今次嘅舞台對於唔少《人龍》Fans 黎講絕對十分熟悉,因為大家將會回到《人中之龍 7 光與闇的去向》舞台:橫濱異人町開始新一輪嘅查案工作。

近年 SEGA 不斷改變市場策略,開始將《人中之龍》等等旗下著名 IP 遊戲進行國際英文化、或者全面登錄 Xbox 以及 Steam 等等遊戲平台;而是次的《審判之逝:湮滅的記憶》亦係工作室少有地於 PlayStation 及 Xbox 平台同步推出嘅作品。

 

 

目前第一集《審判之眼:死神的遺言》(2018 年 12 月 13 日推出)到而家都未有登錄 PC 平台嘅消息,反觀同樣屬於 SEGA 嘅《人中之龍 7 光與闇的去向》(2020 年 1 月 6 日推出)已經出埋英文版仲落埋 PC。被問到 PC 方面嘅企劃時,工作室只係表示目前未有將《審判》系列登錄 PC 平台嘅打算,或者 PC 玩家可能要再等多一段日子了。

以下為《審判之逝:湮滅的記憶》官方宣傳片:

 

 

神婆

為咗兩隻貓嘅生活努力奮鬥,日系遊戲及 RPG 專攻,重度聲優控。

追蹤

Facebook 更多文章