【E3 2021】經典日系 RPG 系列新作《真・女神轉生 V》今年 11 月正式推出

 

ALTUS 於 2021 年 6 月 16 日舉行嘅「Nintendo Direct | E3 2021」裡面宣佈,旗下經典遊戲系列新作《真・女神轉生 V》已定於 2021 年 11 月 11 日正式推出,為一隻 Nintendo Switch 平台限定作品,普通版|數位版定價 HKD 468(9,878 円(連稅));限定版定價 HKD 788(16,280 円(連稅))。

 

 

《真・女神轉生 V》於 2017 年首次發表,為 ALTUS《真・女神轉生》系列嘅最新作品,由公佈去到今年正式推出相距四年時光,絕對係 Fans 望穿秋水之作。

《真・女神轉生 V》以 Unreal Engine 4 開發,以現代東京作為舞台,玩家飾演一名高中生,某日上學途中,驚遇惡魔之門打開,大量魔物於東京湧現,令東京成為廢墟。玩家被傳送到形同沙漠嘅荒野,遇到名為「ダアト」嘅惡魔,兩人結下契約,開始今集嘅故事。

 

 

《真・女神轉生 V》與系列其他作品一樣,都有收納使魔、召喚使魔、合成使魔嘅固有選項,同時遊戲裡面亦會有唔同分歧選擇,從而影響劇情發展,因此故事有多重結局。今集故事裡面登場嘅惡魔種類多逾 200 種,繼續係由土居政之先生設計繪製。

《真・女神轉生 V》於 2021 年 11 月 11 日正式推出,對應平台為 Switch。

 

 

神婆

為咗兩隻貓嘅生活努力奮鬥,日系遊戲及 RPG 專攻,重度聲優控。

追蹤

Facebook 更多文章