【遊戲新聞】《Persona 6》正在籌備當中・Altus 招聘人手望製作超越前作遊戲

 

曾開發《女神異聞錄 Persona》系列等出色作品嘅日本遊戲工作室 ALTUS 於當地求職網站 Green 公開招聘人手,希望招請程式設計員等遊戲開發職位,去製作一隻全新作品。

適逢 2021 年 9 月就係《Persona》系列面世 25 周年,當工作室被問到新作是否與《Persona》系列有關時,ALTUS 總監 Naoto Hiroaka 就大方表示新作將會係《Persona 6》。

 

 

根據外媒 Persona Central 訪問當中,Naoto Hiroaka表示,每製作一隻《Persona》作品,都會希望能夠比上一集更為出色,因此繼續沿用《Persona 5》嘅班底或者未能帶出太多火花或者驚喜,所以希望招聘新血,為新作帶來新鮮嘅想法。

目前《Persona 6》嘅遊戲資料或者對應機種尚未有任何公佈,不過 ALTUS 出品一向為信心保證,相信今次《Persona 6》確定開發嘅消息定必會令眾多 Fans 感到期待。有新消息會再為大家報導。

 

神婆

為咗兩隻貓嘅生活努力奮鬥,日系遊戲及 RPG 專攻,重度聲優控。

追蹤

Facebook 更多文章