【遊戲介紹】《Last Stop》劇情導向選項遊戲・人生交換+出軌+靈異多要素精緻小品

 

互動歷險劇情遊戲《Last Stop》由獨立工作室 Variable State 於 2021 年 7 月 23 日推出,雖然為一隻小品 Indie 作品,但係推出之後獲得玩家頗多正面評價;遊戲對應平台包括 Xbox One|Series X|S、PS4|5、Switch 及 PC,並已上架 Xbox Game Pass。

 

 

《Last Stop》共有三位主角,每位主角都有自己面對的難題與故事,但係佢地嘅故事都發生於同一社區,所以其實彼此有所關連。玩家於遊戲中需要同時進行三位角色嘅故事線,以三種視點去了解故事全貌。雖然以現代社區為故事舞台,不過劇本發展走向帶有強烈奇幻成份。

 

 

遊戲當中,玩家會面對好多類似人生交叉點嘅選項,部份選項亦會影響最終結局發展;每位角色都有自己的獨有 Ending,只係到底邊一個係「Good End」或者「Bad End」,其實其無明確分界線,只係視乎玩家自己嘅觀點。

 

 

三位主角包括黑人青春期少女 Donna、John&Jack 呢對年紀背景都有極大落差、卻意外交換身體嘅鄰居、以及具有野心但正面臨出軌危機嘅女性幹探 Meena。編輯部已完成攻略遊戲,雖然劇本尾段發展有少少超現實,不過整體遊玩感受良好,都幾期待工作室有下一隻作品推出。

 

 

遊戲除咗選項,仍會適量地加入各種簡單的小遊戲,互動元素豐富。假如你都喜愛劇情向互動遊戲,可以考慮入手《Last Stop》。不過《Last Stop》於 Steam 平台上只支援殘體中文,編輯部使用 Xbox Series X 版本就有繁中對應,玩家可自行選擇版本。

 

 

《Last Stop》已於 2021 年 7 月 23 日推出,遊戲對應平台包括 Xbox One|Series X|S、PS4|5、Switch 及 PC,並已上架 Xbox Game Pass。

 

 

神婆

為咗兩隻貓嘅生活努力奮鬥,日系遊戲及 RPG 專攻,重度聲優控。

追蹤

Facebook 更多文章