【遊戲新聞】Bethesda 出聲澄清流言:《Starfield》將不會登錄 PS5 平台

 

Bethesda 工作室早前公佈全新科幻 RPG 遊戲《Starfield》,遊戲預定 2022 年 11 月 11 日正式推出,推出當日登錄 Xbox Game Pass,對應平台為 Xbox Series X|S 及 PC。

 

 

雖然官方並無提及作品會登錄到 PS5 平台上面,不過海外有唔少網友喺睇完 Bethesda Gamecom 2021 線上直播 之後,都誤解《Starfield》只係限時 Microsoft 獨佔,日後仍然會有登錄到 PS 機種上面嘅可能性。

於直播當中,Bethesda 環球營銷部門 SVP Pete Hines 就「Bethesda 被微軟收購」一事作出回應,佢表示「工作室日後會出現 Xbox&PC 獨佔嘅作品,但亦都仲有可能將作品擺到 PS 平台上面,只係目前唔可以透露有邊啲作品有呢個傾向」。

 

 

其實早在收購消息公佈時,Betheada 及 Microsoft 都有公開表示過,唔會因為收購行為而限制工作室作品登錄到其他平台嘅權利,因此有唔少玩家認為《Starfield》都會係「有機會落 PS」嘅其中一員。

不過,Pete Hines 以及 Xbox 市場部 GM Aaron Greenberg 就喺 Twitter 上面表示,《Starfield》恐怕會係一隻 Microsoft 獨佔嘅作品,無 Xbox 主機嘅玩家都可以用 PC 遊玩:

 

 

《Starfield》與 Bethesda 其他遊戲系列例如《Fallout》一樣,可以由玩家選擇以第一視點或第三視點方式進行遊戲,而是次遊戲將會有極為龐大嘅劇本,工作室亦使用最新嘅引擎同埋技術去開發《Starfield》,有信心令遊戲成為次世代主機上面其中一隻經典作品。

遊戲監督 Todd Howard 接受 The Telegraph 訪問時表示,《Starfield》將會比工作室歷來所有 RPG 遊戲更為 Hard Core,無論係劇情或者遊戲難度都會更有深度;佢又表示,玩家可以於創建角色時選擇角色出身|背景,希望可以令到玩家因此更為代入遊戲。

 

 

雖然《Starfield》係 Microsoft 獨佔,不過 Bethesda 目前亦有一隻作品係 PS5&PC 平台限時獨佔的, 就係預計於 2021 年 9 月 14 日推出的《Deathloop》,目前已公開接受預購,有興趣嘅玩家請多加留意。

 

 

神婆

為咗兩隻貓嘅生活努力奮鬥,日系遊戲及 RPG 專攻,重度聲優控。

追蹤

Facebook 更多文章