【遊戲介紹】手繪點擊解謎小品 《Milo and the Magpies》幫助小貓踏上返家之路

今次又為大家介紹一款優閒小品遊戲《Milo and the Magpies》,美術用上手繪風格,原因係製作人本身就係一位藝術家。放工又或者假日想忙裡偷閒,打返個零鐘機輕鬆下嘅,可以試下,而且遊戲售價同樣親民。

 

 

《Milo and the Magpies》由荷蘭藝術家 Johan Scherft 製作,係一款點擊型冒險遊戲。玩家將操控一隻叫做「Milo」充滿好奇心又愛探險嘅小貓,遇上鍾意搞事嘅喜鵲後,不知不覺越行越遠,然後踏上返家之路嘅故事。

 

 

遊戲中 Milo 將會經過不同嘅場景,例如鄰居後花園、屋頂甚至走埋入屋。玩家需要透過點擊去進行解謎開拓新道路,簡單如搵鎖匙開門、剪開鐵絲網等等。根據資訊現時會有九個關卡,大約要 1.5 小時就玩完。

 

 

《Milo and the Magpies》已於 9 月 7 日推出,得到「極度好評」評價,只賣 HKD $12.00,支援繁體中文。

五木

動漫電玩宅,極愛金田一系列,擅長動作及策略遊戲

追蹤

更多文章