【遊戲介紹】勁過癮魚仔冒險記 《I Am Fish》彼思動畫風格逃出魚缸回家之旅

今個月真係好忙,因為又有一款非常有趣嘅作品推出。《I Am Fish》極有彼思動畫(PIXAR)風格,幫助四條魚仔穿過滿佈危機嘅人類社區,施展混身解數越過重重障礙,過程嘅搞笑又有難度,絕對係今個月必玩佳作!

 

 

《I Am Fish》由英國工作室 Bossa Studios 開發,係一款冒險遊戲,採用第三身視點。故事講述金魚、雞泡魚、飛魚同食人魚四條魚仔被迫離開寵物店魚缸中嘅家,於是結伴由英國最偏遠且最細嘅郡「巴納德郡」出發,以每條魚嘅特性穿過滿佈危機嘅人類社區,往大海進發。

 

 

玩家需透過使用各種「運輸工具」幫助佢地前進,最普通嘅魚缸、罐,去到拖地桶、水樽都有。四條魚各有自己能力,金魚游得好快、雞泡魚可以整漲自己之後碌住行、食人魚周圍咬、飛魚可以短時間空中滑行。雖然睇落移動手段好多,但係人類社會對魚仔黎講極之兇險,地上不時噴出不明液體、又會跌落地下水道、路上有車經過等等,而車玻璃製品易碎,一個失誤就會碎,幸好就算失敗都係由 Check Point 重新開始,都算友善。

 

 

《I Am Fish》》將於 9 月 17 日正式推出,對應平台為 Xbox Series X|S、Xbox One 及 PC Steam,將會首日登錄 Xbox Game Pass。

五木

動漫電玩宅,極愛金田一系列,擅長動作及策略遊戲

追蹤

更多文章