【遊戲介紹】四人協力生存恐怖 《Propnight》用變身能力瞞天過海趣味十足

近幾年開始多咗非對稱類型遊戲,不過就仲未打破到《黎明死線》(Dead by Daylight)喺呢類型遊戲一哥地位。喺今年年尾將會推出嘅新作《Propnight》同樣係非對稱類型,不過就加入新元素,每位角色都有變身能力,又睇下呢款新作有無能力喺呢類型市場分一杯羹。

 

 

《Propnight》由 FNTASTIC 開發,係一款非對稱生存恐怖遊戲,主要採用第一身視點,支援多人連線。遊戲中玩家身處一個小鎮,年青人相繼失踪,背後到底發生咩事無人知曉,咁正路就梗係要逃離呢個地方啦,亦即係遊戲嘅主要目的。

 

 

遊戲玩法係傳統 4 vs 1 非對稱類對戰玩法,被追殺一方要修理場上嘅設備,只要成功修復其中五個就可以逃生,至於殺手一方自然係要狩獵另外四位玩家。雖然睇落同一般非對稱遊戲一樣玩法,但係本作被追殺一方有特殊能力可變為各種物件,例如係木桶、汽車模型、藍球等等(類似《黑暗靈魂》中法術「擬態」),變身後可以企埋一邊扮場景,避開追殺者(變身後將切換至第三身視點),亦即係由「捉迷藏」變成「伏匿匿」,都考追殺者眼力,不過追殺者應該會有相關技能破解,睇製作團隊點平衡了。

 

 

《Propnight》預計於 12 月 1 日正式發售,對應平台為 PC Steam。

五木

動漫電玩宅,極愛金田一系列,擅長動作及策略遊戲

追蹤

更多文章