大熱作品《進擊之巨人》入面所描述嘅巨人能力強大，可輕鬆蹂躪一般弱小人類，如果有得試下扮演巨人一方應該都幾過癮。喺新作《Giants Uprising》中，玩家將扮演強大嘅巨人，一嘗踐踏人類、盡情破壞嘅快感，發洩一流！

《Giants Uprising》由 VARSAV Game Studios 開發，係一款動作角色扮演遊戲，採用第三身視點，開放世界。故事講述古老巨人族因為被過去嘅盟友 – 人類所背叛，導致數量鑑少，剩落黎嘅巨人都被奴役為工人或投放到戰爭以擴大人類領域。玩家所扮演嘅巨人因為一個契機而成功逃脫，帶住滿腔怒火回到人類嘅城市，為過去復仇、為巨人族起義！

遊戲賣點自然係瘋狂破壞，玩家可殺入人類城鎮將眼見嘅所有野破壞，殺死所有人同夷平每座建築物。由於巨人擁有超強體格，拉倒神殿巨柱、腳踏粉碎橋樑、投擲大型爆炸品等手段都可以用上，真係幾爽（無得食人有點兒可惜）。雖然主軸係破壞，但遊戲中仍然有主線故事，透過兩位被放逐者述說感人嘅復仇故事，征服整個世界。

《Giants Uprising》現正進行搶先體驗，對應平台為 PC Steam，商店頁面有提供免費試玩版下載。