【遊戲新聞】《人中之龍》著名金曲「像笨蛋一樣」搖身成海內外熱門翻唱歌曲

 

雖然《人中之龍》系列「桐生一馬」故事主線已經完結,不過主角桐生其中一首能夠在「卡拉 OK」小遊戲裡面玩到嘅金曲「ばかみたい(像笨蛋一樣)」於全球唔同領域卻依然強勢熱播中!

「像笨蛋一樣」於《人中之龍 5》裡面首次登場,歌曲由福山光晴作曲、堀井亮佑作詞,主唱為桐生一馬聲優黑田崇矢。歌曲推出之後,由於旋律及歌詞都相當易入腦,因此受到亞洲地區玩家歡迎,連不譜日文的玩家都能記住副歌歌詞「だめだね~だめよ~だめなのよ(Dame Dane, Dameyo, Damenanoyo)」;後來歌曲亦於後續唔少《人龍》作品中登埸。

「像笨蛋一樣」歌詞描寫桐生一馬人在江湖、身不由己的滄桑(雖然遊戲中的 MV 都自帶喜感),不過,自從《人龍》系列開始提供英文化版本並於海外上市之後,「像笨蛋一樣」旋即將成海外玩家熱門翻唱歌曲,連向外國人教授日文嘅老師,都會拎呢首歌做課堂練習:

 

 

桐生一馬聲優黑田崇矢亦於 Twitter 上面表示,「像笨蛋一樣」亦係佢喺遊戲當中喜歡的歌曲之一;知道歌曲如今成為國際玩家熱潮,佢都表示興奮咁話!

 

 

人龍工作室表示,目前團隊正開發《人中之龍 8》,但係會於遊戲中繼續加入「像笨蛋一樣」呢首歌曲;不過會唔會加插桐生一馬戲份由佢唱返,抑或沿用新主角春日一番熱唱呢首歌曲,就要等到遊戲推出先至知曉了。

筆者第一次聽到呢首歌已經好鍾意!永遠懷念桐生一馬!

 

神婆

為咗兩隻貓嘅生活努力奮鬥,日系遊戲及 RPG 專攻,重度聲優控。

追蹤

Facebook 更多文章