遊戲工作室 GSC Game World 宣佈，由於工作室位於烏克蘭，日前俄羅斯武事侵略烏克蘭，因此佢地決定即時中止《S.T.A.L.K.E.R. 2》嘅開發工作，以員工生命以及國家安全作為首要考慮條件，暫定戰事平息之後——官方嘅講法係，「我地嬴左之後」——就會再度程啟遊戲開發。

«Gameplay when?» is no longer the most common question. Now we hear «Are you guys okay?» more and more.//t.co/E6yyzTwwSd

— S.T.A.L.K.E.R. OFFICIAL (@stalker_thegame) March 2, 2022

《S.T.A.L.K.E.R. 2》為一隻第一視點恐怖求生遊戲，為系列作第二集，遊戲以核洩漏後的切爾諾貝爾作為舞台，為一隻開放世界作品，採用第一視點射擊玩法。玩家為咗尋找秘寶而進入該封鎖區域，只係切爾諾貝爾充滿輻射、異變體以及各種反常狀態，而玩家於遊戲當中採取的決定亦有可能影響之後故事的發展和情節，絕對為一隻陣容龐大的宏觀遊戲。

《S.T.A.L.K.E.R. 2》將對應 Xbox Series X｜S 以及 PC 平台，並於推出當日登錄 Xbox Game Pass，原定預計發售日為 2022 年 12 月 8 日。

不過，工作室位於飽受戰事困擾的烏克蘭首都基輔，工作室大部份員工亦為烏克蘭人，佢地認為目前首要任務，係守護國家，以及確保大家可以生存落去。《S.T.A.L.K.E.R. 2》嘅官方 Twitter 亦都清晰表明，工作室相信烏克蘭值得自由以及民主，並向外界人士尋求所有有可能性的幫助，希望大家都可以支持烏克蘭。

工作室於官方頻道上亦公佈左烏克蘭戰事嘅片段：

願榮光歸烏克蘭，有新消息會再為大家報導。