【遊戲新聞】爭取自由解放的奇幻 RPG《GreedFall 2 – The Dying World》2024 年多平台同步登場

 

遊戲發行商 Nacon 宣佈推出 RPG 遊戲《GreedFall 2 – The Dying World(貪婪之秋 2)》,對應平台為 Steam 以及家用機(有待公佈),預計 2024 年上架。

 

 

《GreedFall 2 – The Dying World》為 2019 年推出《GreedFall》系列的第二部,以《GreedFall》三年前的世界作為遊戲舞台,可以話係系列作的「前傳」。玩家將飾演原住民 Teer Fradee,於遊戲一開始,你被強行帶離家鄉並送到另一片土地 Gacane。

Gacane 為遊戲的主要舞台。經歷連番戰亂、黨派爭鬥之後,Gacane 變得殘破不堪,更有疫症漫延的趨勢。玩家需要善用自己的能力,與其他人進行外交、說服佢地成為你嘅同伴;或者係對阻礙你嘅人展開戰鬥,從而獲得權力去改變自身的命運,最終目的是能夠重獲自由以及解放自己的家鄉。

 

 

遊戲玩法充滿自由度,面對唔同嘅事件或者選項時,玩家可以選擇文明說服、或者以暴力解決;唔同嘅行動都會影響其他人對你嘅評價及睇法,亦會影響你隊友的選擇。

而遊戲亦於美術方面落足心機,工作室為遊戲設計出一個宏大而帶有幻想風格的廣闊大陸,在近現代的基準上,再加入奇幻元素,而玩家亦可於唔同地方接受各種支線任務,為一隻非常耐玩的遊戲作品。

 

 

前作《GreedFall》推出之今,獲得了不錯的口碑,雖然唔少玩家反映操作界面唔夠 User-Friendly、戰鬥感覺不夠有趣等等缺點,但係,作為工作室 Spider 首次製作接近 3A 級數的半開放世界 RPG 作品而言,算係交出一張唔錯的成績單;而更多玩家都認同遊戲前期節奏較慢,但正式進入主線之後,其實《GreedFall》的故事非常吸引。相信工作室吸收上集的開發經驗,今次應該能夠在系統上面作出更多改良。

《GreedFall 2 – The Dying World》,對應平台為 Steam 以及家用機(有待公佈),預計 2024 年上架。

 

 

神婆

為咗兩隻貓嘅生活努力奮鬥,日系遊戲及 RPG 專攻,重度聲優控。

追蹤

Facebook 更多文章