「Yabba Dabba Doo」呢句野你記得你又識嘅話，你應該有返咁上下年紀！如果你有啲印象嘅話，睇下下面個Opening有冇多啲印象？

有 LEGO Creator AndrewClark  就喺 LEGO Ideas 度投稿，希望將《The Flintstones (聰明笨伯)》呢套 60 年代美國卡通片可以 LEGO 商品化。

成個設計當然有最標誌性嘅董輝一家同”人力車”之外，連佢隔離屋兼老死班尼、比緹同養仔Bamm-Bamm一家一共 6 隻 Minifigures。就連配件嘅鎮名牌、巨肉排同恐龍吸塵機都做到同卡通一模一樣。

有睇過卡通，董輝屋企屋仔細細但係就乜都有，不過 LEGO 左之後就為就設計方便所以少左啲「實用面積」，可能真係到商品化後等玩家擴建。另一個特色係屋頂可以隨時輕鬆拆出嚟，去睇或者更改到屋內情況。

講返最重要嘅”人力車“，雖然真係做唔返卡通咁靠對”腳”去發動，但到可以令 Minifigure 對腳放落地。但 AndrewClark 都特登整返個地台去扮得返架車跳起半側嘅情況，甚至同 1994 年電影版海報一樣咁濟。

睇左咁耐應該會發現好似少左董輝隻寵物恐龍仔Dino，咁 AndrewClark 其實都仲設計緊，不過就要
等下靈感到先可以落實，希望大家耐心期待佢嘅新 Update。

成套 LEGO Ideas 「The Flintstones(聰明笨伯)」都只係由 770件組件組成，依家仲儲緊 Supporter，大家有興趣嘅就去支持下啦！Yabba Dabba Doo！

「The Flintstones(聰明笨伯)」LEGO Ideas 傳送門