《Pokémon天梯入門》變幻自在嘅人氣主角-No.658 甲賀忍蛙

經過介紹噴火龍Y及一場概要分析後,今次要講嘅就係屬性聯防嘅最好教材。

 

No.658 甲賀忍蛙,變幻自在嘅人氣主角。

3

%e6%9c%aa%e5%91%bd%e5%90%8d-1

 

甲賀忍蛙,水系/惡行系Pokemon,第六世代嘅御三家隨住動畫成為最受歡迎Pokemon ;種族值屬於二刀高速型,生存力唔高,但有相當好用嘅速度同時又有唔錯嘅物攻、特攻;唯一實用特性為隱藏特性嘅千變萬化(へんげんじざい Protean) :在攻擊前,自身屬性變為與招式屬性相同。好多玩家重難月日包括我,都曾經幻想過用千變萬化去變換屬性,以回避如地面系、超能力系、格鬥系等攻擊;但其實以甲賀忍蛙嘅生存力,千變萬化用嚟提高生存力嘅作用,係性價比好低,兼具要好高嘅先讀技巧。而千變萬化嘅最大作用,反而係與攻擊招式永遠一致嘅屬性aka永遠會有1.5倍嘅屬性修正。所以甲賀忍蛙諗配招,唔係諗點回避對方攻擊,係點樣有最大嘅打擊面,幫助隊伍組成「屬性聯防」。

根據統計,甲賀忍蛙於ORAS嘅雙打賽係咁嘅:

招式:

75.5%會用 冷凍光束(れいとうビーム Ice Beam):冰系特攻招式;90威力;100命中;10%使人陷入冰凍   。

49.4%嘅會用 下旋(けたぐり Low Kick):格鬥系物攻招式;--威力;100命中;按目標體重決定威力,愈重愈高威力;威力範圍:20~120。

43.4%會用 闇波動(あくのはどう Dark Pulse):惡行系特攻招式;80威力;100命中;20%使對象膽怯。

42.6%會用 保護(まもる Protect):普通系變化招式;--威力;--命中;先制+4;抵擋一回合攻擊及變化招式;連續使用成功率會逐次減半。

41.9% 會用 塵屑投射(ダストシュート Gunk Shot):毒系物攻招式;120威力;80命中;30%使對像中毒。

31.2%用 草繩結(くさむすび Grass Knot):草系特攻招式;--威力;100命中;按目標體重決定威力,愈重愈高威力;威力範圍:20~120。

27.4% 會用 熱水(ねっとう Scald):水系特攻招式;80威力;100命中;30%使對像燃燒。

22.5%用 岩崩(いわなだれRock Slide):岩系物攻招式;75威力;90命中;敵範圍攻擊;30%使對象膽怯。

8.7%用 塌塌米格擋(たたみがえし Mat Block):格鬥系變化招式;--威力;--命中;甲賀忍蛙專有技之一;只限置入場中嘅第一回合使用;防止我方全體受到攻擊招式傷害。

招式必須數到8.7%咁細嘅分佈數字,因為甲賀忍蛙嘅應用範圍太過廣泛,會用得上嘅招式亦異常地多。另外下文會提另一招成名技(XY初登場時為專有技)水・手裹劍(みずしゅりけん Water Shuriken):水系物攻招式;15威力;100命中;先制+1;一回合內連續攻擊二至五次。

 

裝備:

49.9%為 生命之玉(いのちのたま Life Orb):招式威力1.3倍,每次攻擊減少最大HP嘅10%HP值。

17.2%為 振奮綁帶(きあいのタスキ Focus Sash):消耗型裝備;當HP全滿時,被擊殺會保留1HP。

11.8%為 達人腰帶(たつじんのおび Expert Belt):當招式剋制目標對象時,威力1.2倍。

10.8%為 專愛圍巾(こだわりスカーフ Choice Scarf):速度1.5倍;只能使用上場後選擇的第一招。

四種裝備,我會將生命之玉同達人腰帶視為同一類,都係進一步強化招式威力而設,以甲賀忍蛙嘅千變萬化配合廣泛嘅打擊面,務求先下手為強;而振奮綁帶則為一種對應生存力低下嘅保護機制,特別為咗避免被攻擊唔中之後嘅不幸;專愛圍巾速度至上嘅打法,可以合適地分配攻擊落雙攻或生存力上,變成二刀流或者用以反制同樣嘅速專使用者,特別係 No.645 土捲雲(ランドロス Landorus)。

 

特性:

99.8%為千變萬化!!神特性,不作他選。

 

好多招!好多招!多到我一定要分開甲賀忍蛙嘅物攻型、特攻型、塌塌米型先可以再講落去。

 

***特攻型:

冷凍光束(れいとうビーム Ice Beam):

冰屬性剋制龍/飛行/草/地;而呢四個屬性包含住大部份非常強駻嘅Pokemon。特別係No.645 土捲雲(ランドロス Landorus)、No.373 暴飛龍(ボーマンダ Salamence)、No.445 烈咬陸鯊(ガブリアス Garchomp)、No.254蜥蜴王(ジュカイン Sceptile)。而呢一招係少數物攻型甲賀忍蛙都會用嘅,因為面對頻頻出場、特性又係 威嚇嘅土捲雲,物攻本身就會被下降一級,用 冷凍光束擊殺後換出,方為上策。

 

闇波動(あくのはどう Dark Pulse)/熱水(ねっとう Scald):

惡行系嘅闇波動及水系嘅熱水,一來係本系情意結(謎之音:千變萬化下招招都本系),二來係因為惡行系同水系始終有一個唔錯嘅打擊面。惡對超/鬼、水對火/岩/地;而且仲30%可以有得拚佢膽怯/燃燒喎。總的而言,唔係咩必要嘅戰術招式,但又非常之適合補充招式格。

 

草繩結(くさむすび Grass Knot):

體重系招式一向都好強,唔係講笑,對戰時嘅遭遇期望威力係80以上。草系招式本身剋制水/地/岩,而呢三個屬性都偏向超過50KG。而且水/地、水/岩、岩/地嘅組合又多,對於務求先下手為強嘅 甲賀忍蛙嚟講,係相當有用。

 

保護(まもる Protect):

用途只有一個,喺有危險時,擋一個回合。我主觀認為保護無上次噴火龍Y咁大作用,始終甲賀忍蛙本身係屬性聯防嘅輔攻手,唔係主攻手,喧賓奪主嘅招式組合會令佢嘅作用下降。

 

***物攻型:

冷凍光束(れいとうビーム Ice Beam):

如特攻型所述,冷凍光束本身作用大,而且因為  No.645 土捲雲(ランドロス Landorus)(靈獸)嘅關係,所以物攻型都會學冷凍光束;特別係裝備 專愛圍巾嘅甲賀忍蛙。

 

塵屑投射(ダストシュート Gunk Shot):

一個目標,擊殺妖精系。毒系本身打擊面細,只有妖精/草兩個屬性可以剋制到。但同時間好似No.184 馬利露麗(マリルリ Azumarill)、No.272樂天河童(ルンパッパ Ludicolo)就有一個剋制嘅突破口。而 甲賀忍蛙於一眾 塵屑投射嘅使用者中,係唯一一個高速並且有本系修正嘅Pokemon。

 

下旋(けたぐり Low Kick):

與草繩結一樣,屬體重系招式。格鬥系剋制普通/惡/岩/鋼/冰,亦屬於高體重一群,甚至應該話係一群100KG以上嘅Pokemon。同時,格鬥系打擊面又廣,所以物攻型甲賀忍蛙好多時都會用 下旋。

 

岩崩(いわなだれRock Slide):

剋制飛行/火/冰/蟲嘅範圍招式。No.006 噴火龍(リザードン Charizard)、No.663 烈箭鶲(ファイアロー Talonflame)都係最主要攻擊對象。其次岩崩本身可以拚30%使對象膽怯,都係一個賣點。

 

水・手裹劍(みずしゅりけん Water Shuriken):

非常特別但又好少人用嘅技能。我個人來講,XY動畫未出之前,已經好鍾意呢招。先制技一般都只有40威力,而連續攻擊二至五次招式嘅數學期望值為攻擊3.168次;套用返去 水·手裹劍上就相當於47.5威力,比起一般嘅先制技威力高。同時間連續攻擊能破解替身、忍耐、振𡚒綁帶。對於 No.663 烈箭鶲(ファイアロー Talonflame)來講,雖然有颶風之翼,但由於同時係先制及連續技,變相可以確一制止 烈箭鶲(包括裝有振奮綁帶)嘅飛行系攻擊。

 

保護(まもる Protect):

同特攻型。

 

***塌塌米型:

塌塌米格擋(たたみがえし Mat Block):

介紹 甲賀忍蛙必需介紹嘅專有技。出場嘅甲賀忍蛙未會用,但一定要知。猶如下馬威一樣,係一招只有入場嘅第一回合先可以使用嘅招式;如果話下馬威係用先制威嚇來停一隻對手一個回合,咁塌塌米格擋就係用極限嘅速度(因為無先制修正)來保護我方免受傷害嘅招式;作用都係單擋,為一旁嘅爭取一個回合嘅自由時間,主攻手嘅就攻擊,控場手嘅就設置控場。

 

講甲賀忍蛙,單獨講配招已經係多姿多彩,但正如文首所講,甲賀忍蛙係屬性聯防嘅教材,即係我哋講完佢有咩招式剋制對手,就要講下不同嘅招式組合下最適合用嚟同邊啲隊伍組成屬性聯防及發揮作用。

 

No.006 噴火龍(リザードン Charizard):

14329014_10154103983982968_1835467004_n

MEGA.Y:火/飛行系;特性:乾旱(ひでり Drought):天氣轉換成晴天,持續5回合。

甲賀忍蛙,可以用格鬥招式下旋反制席多藍恩;可以用冷凍光束反制土捲雲;岩崩對付噴火龍X;為噴火龍Y清除到大部危險。但面對土捲雲時,仍要小心對方可能係用專愛圍巾,速度將會比甲賀忍蛙快好多。同時間,噴火龍Y同甲賀忍蛙組合埋一齊時,有一組特別嘅用法係火/水之紋章。雖然我個人對呢種綑縛技能有啲唔太推祟,會好易令到戰術唔靈活。另外與晴天隊組合時,甲賀忍蛙建議唔帶水系招式。

MEGA.X:火/龍系;特性:堅爪(かたいツメ Tough Claw):近身攻擊4/3倍。

甲賀忍蛙為噴火龍X同樣可以清除土捲雲、席多藍恩外,仲可以幫助龍系嘅噴火龍X反制妖精系,妖精/鋼除外,但鋼系可以由噴火龍親自清理。非晴天隊嘅噴火龍X,可以帶返水系招式,用以反制地系同岩系。

 

No.458 席多藍恩(ヒードラン Heatran):

cecc7356

 

幫手打啲席多藍恩打唔入嘅火系,同時間有能力清理地系。加上塌塌米格擋可以為席多藍恩

欺詐空間(トリックルーム Trick Room)隊:後制-7;5回合內,行動次序倒轉為速度愈慢愈優先。

而欺詐空間,驟眼睇係一個唔多配合速度種族值有122甲賀忍蛙嘅選擇。但係就好似噴火龍Y嗰篇一樣,可以打完第一波攻擊後,欺空並換入欺空嘅攻擊手,作出半欺空打。另外,塌塌米格擋可以保護欺空手巿全設置欺空,好比其他有下馬威嘅助攻手。而因為佢仍然有一招水・手裹劍,所以即使喺欺空下仍然有一招幾高威力嘅先制攻擊可以用。最後如果換出後,被對手拖過咗欺空嘅4回合,可以換入佢,再放一次塌塌米格擋等慢速嘅攻擊手有一回合嘅免費攻擊機會。

 

滅亡之歌(ほろびのうた Perish Song)隊:敵我全體不論狀態,進入滅亡之歌狀態;滅亡之歌狀態為倒數三回合,三回合後陷入不能戰鬥狀態;換出可解除。

同欺詐空間一樣,滅亡之歌隊都係需要一個保護者去保護施放滅亡之歌者。利用塌塌米格擋保護施放者,並於合適時間換出,咁就可以喺再換入時用多一次塌塌米格擋,用到兩次滅亡之歌,等於贏咗;但長氣都要講多句,要小心裝備專愛圍巾嘅敵方及一切快過甲賀忍蛙嘅Pokemon。

 

雖然喺甲賀忍蛙喺隊伍嘅作用主要係聯屬聯防中去補充打擊面,以及以塌塌米格擋為控場設置手提供保護,但我哋總唔能夠唔諗對策。

 

對策一,永遠確信有塌塌米。

有自信你快過對面嘅甲賀忍蛙,你先好畀你啲玻璃大炮喺第一回合放攻擊技,白白送一個回合畀人設控場或攻擊,一定出事。第一個回合盡量放一啲干擾技,塌塌米格擋係唔擋干擾技嘅。

 

對策二,換出回避。

被剋制謹記要換出回避,唔好好似上一篇概要攻略教學片中嘅敗方咁,攻擊手明明已經陷入無力都唔換出。明知被針對剋制都唔換出,就只係自招敗局。

 

對策三,速度喪失

如果可以令到佢麻痺,咁佢第二次再出場時就無機會再放塌塌米格擋。其次就係作為一隻都幾薄皮下嘅Pokemon,甲賀忍蛙係好容易被擊倒,所以限制咗佢嘅速度(包括麻痺)就相當好對付。

甲賀忍蛙嘅多用途同埋令到「招招皆本系招式」嘅特性:千變萬化,係佢唔單只活躍喺動畫並同時活躍於遊戲對戰嘅原因。用佢我唯一要重復告誡嘅係,唔好將千變萬化當係一個防守型嘅特性。

 

 

infernape

另外我記得上次有讀者問過有關於No.392 烈焰𤠣(ゴウカザル Infernape),其實論定位而言,佢同甲賀忍蛙好類近,都係輔攻手。參考物攻型+塌塌米型甲賀忍蛙,將水·手裹劍置換成音速拳;塌塌米格擋置換成下馬威;隨後,就需要考慮屬性聯防就可以(詳細來俠作Mens’ work專頁來訊詢問)。

 

回帶相關文章:

《Pokémon天梯入門》No.115袋獸

《Pokémon天梯入門》烈日晴空-No.006噴火龍Y

《Pokemon天梯入門》1600對賽觀摩&主流戰術認識

 

 

古渡

古渡 《Pokemon XY》400小時遊玩時間,天梯賽1700以上嘅非專業玩家。閒時會寫下嘢咁

追蹤

更多文章