《第一屆大專學界電子競技總決賽》各比賽新星嶄露頭角,打出世界水準

係星期六舉辦既《第一屆大專學界電子競技總決賽》(HKJUET) 已經完滿結束。大會請到星級嘉賓 – 香江第一才子陶傑同埋卡關達人 – 達哥為大家致詞及評述之外,更有新任立法會議員羅冠聰同英雄聯盟世界賽冠軍 TOYZ 為 LOL 進行評述!整場比賽高潮迭起,雖然遇到唔少事故但係各參賽者依然努力打出水準,合力上演一場又一場既精彩賽事。

2016-10-15_jepg_019

 

名人嘉賓祝賀賽事開幕

2016-10-15_jepg_086

 

比賽由4個遊戲所組成,首先上場既係《FIFA 16》,評述由中大學生會會長張翼同埋卡關達人達哥擔任,比賽隊伍分別為城市大學  Kan Wai Ming(拜仁慕尼黑)、香港公開大學 鍾啟豪 (多蒙特),比賽採用 BO3 賽制。
第一場賽事 Kan Wai Ming 選手先食一紅牌,鍾啟豪選手以人多優勢下以 3:0 先取一局;第二場賽事先由後段鍾啟豪亦都得到一張紅牌,但係已經好難力挽狂瀾,本場以 3:1 完結。

2016-10-15_jepg_072

2016-10-15_jepg_075

 

最後由鍾啟豪選手以局數 2:0 取得本賽事勝利,並誕生本港第一個學界電子競技冠軍!

2016-10-15_jepg_096

 

 

第二場賽事係《Overwatch》,分別由恆生管理學院代表對「劍狼」對城市大學代表隊「Mule」,比賽採用 BO5賽制。

 

第一場比賽地圖為「Numbani」攻方守雙方勢均力敵,頭二回合均為平手、分別為 2:2、4:4,最後決勝局由「Mule」以 5:4 獲勝。

第二場比賽地圖為「King’s Row」,第一回合由「Mule」擔任攻方先取三分;第二回合由「劍狼」擔任攻方,一直推車到接近終點時 「Mule」隊上演一幕精彩防守戰。由 RIMET (死神) 同GINHKARI (俄妹) 合力上演一波大絕合體技成功殺死「劍狼」五位對手,但「劍狼」復活一鼓作氣並將車推進終點,最後追平此局。

2016-10-20_163242

 

第三回合「劍狼」擔任攻方,雖然成功搶點但面對「Mule」強大的防守最後只能拿下一分,換邊後「Mule」採取速攻最後推車距離較長奪得此局勝利。

2016-10-20_163012

 

第三場比賽地圖為「Hollywood」,先由「Mule」進攻,透過左邊小房間通道團戰成功搶點。最後由 RIMET (死神)上演 1對5拖延時間後一舉推向終點,全取三分。

2016-10-20_163441

 

換邊後「劍狼」一樣由小房間發起進攻,但火力唔夠久攻不下,於是想靠閃光包抄做總攻擊,但係一個大失誤下閃光殺人不成反被睡,最後搶點失敗。

2016-10-20_164008

最後由香港城市大學代表隊「Mule」順利以 3:0 取得《第一屆大專學界電子競技總決賽 Overwatch》冠軍,由於雙方表現極為精彩,台下觀眾亦都報以熱烈掌聲以示支持!

 

二隊大學代表隊上演一場世界級賽事 (右為冠軍隊伍「Mule」)

2016-10-15_jepg_177

 

第三場賽事係卡牌遊戲《爐石戰記》,本場賽事事前已經非常受到外間關注,因為參賽者之一乃係首位獲得出戰 Blizzcon 世界賽資格既香港選手 Yulsic,是次佢代表恆生管理學院!面對住咁強大既對手,迎戰既係獲得千年積木力量 – 浸會大學既遊戲王,比賽採用BO5賽制!

2016-10-15_jepg_190

 

第一場對決遊戲王選用冰法對上Yulsic 既中速獵,最後由遊戲王勝出。

第二場 Yulsic 繼續中速獵,對上遊戲王既控制戰,Yulsic 成功扳回一局。

第三場遊戲王以控制戰對 Yulsic 既控制戰,遊戲王勝出以 2:1 領先。

第四場 Yulsic 選用中速薩,而遊戲王則轉用藍龍德,最後 Yulsic 追平各取2局,需要打最後一場決勝。
最後一場雙方並無變陣,繼續由 Yulsic既中速薩對上遊戲王既藍龍德,最後由遊戲王勝出奪得本次比賽冠軍!事後訪問評述 Shy,佢認為是次比賽關鍵係由於遊戲王成功令 Yulsic 誤以為初戰並唔係對冰法,導致職業順序同留牌都無法發揮威力。但係遊戲王成功擊敗香港首位 Blizzcon世界賽資格者,實力絕對得到肯定!

 

遊戲王 – 梁偉聰憑實力獨得超過二十萬獎品

2016-10-15_jepg_225

 

最後壓軸賽事為《英雄聯盟》,評述由新任立法會議員羅冠聰以及英雄聯盟世界賽冠軍 TOYZ擔任。出賽隊伍分別為香港專業教育學院代表「IVE仔世界第一」對香港公開大學代表「香港公公公開大學」,比賽採用 BO3賽制。

2016-10-20_172513

 

第一場由於因為台灣伺服器問題導致觀察者模式不能運作,故沒有影像直播下完結。大會公布比賽結果由「IVE仔世界第一」以人頭 20:4大比數獲勝。

2016-10-20_172625

 

第二場經大會搶修下勉強可以進行直播,比賽開始後三分鐘下路由「IVE仔世界第一」先取首殺,因為雙方實力有一段距離下「香港公公公開大學」一直無法對「IVE仔世界第一」做成任何壓力,直到 23分鐘左右「IVE仔世界第一」爆對方下路兵營後,對手正式投降,處於順風,最後以 20:5 取勝,獲得冠軍。

2016-10-20_172843

2016-10-20_172741

2016-10-15_jepg_253

 

總結:

雖然今次比賽係有唔少意外發生,但係整體黎講都叫做唔錯。除咗比賽隊伍上演一場又一場既精彩賽事,得到各位觀眾耐心既等侯同體諒亦都非常重要,雖知道今次主辦大會係第一次做咁大型既賽事,已經算超額完成,期待下屆會繼續舉辦培育香港既電競文化。畢竟經過今屆可以見到我地香港係不乏電子競技既人材,透過呢種有代表性既大賽對於電競選手既成長係有一定既作用,作為香港遊戲媒體既一員我地亦都會鼎力支持,各位同學仔加油,下屆企係台上面既可能就係你!!