《Pokémon Sun / Moon》第七世代基礎攻略 (中篇)

由於我發覺今世代隱藏特性好多都未開放,所以對於 VCG2017 可以用的 Pokemon 需要多一啲時間去觀望。為此我先抱歉並將原為 C) 屬性聯防、D) 隊伍組合壓後,並結合 G) 對戰道具;改以先寫E) 對戰計算、F) 能力養成。

首先,我先重新再POST一次屬性表,以方便大家閱讀時查閱。

(屬性表) 另外粉末招式對草系無效,鬼系無法被綑綁。

 

E) 對戰計算

粗略講一下對戰時嘅傷害計算。

公式如下:

%e5%85%ac%e5%bc%8f

 

一般PVP對戰限定 LV50時,我哋可以得出傷害公式係:傷害= (44% x ATK/DEF x 招式威力 +2) x 修正

 

而修正公式為如下:%e5%85%ac%e5%bc%8f2

 

STAB = Same Type Attack Bonus; 招式同攻擊方 Pokemon 屬性為同屬時,則1.5倍,特性為適應力時,為2倍。

Type=屬性相剋加成/減免:1/4、1/2、1、2、4等。

Critical=命中要害,1.5倍計算,攻擊方特性為狙擊手時再1.5倍 (即2.25倍) 。

Other=物品、天氣、特性加成/減免

Random為一個 0.85至 1倍之間嘅亂數。

以上五項每一單項,遇上小數將一律無條件捨去。

 

其實唔洗記咁多…總之知道對戰計算係乘算防禦就可以。

 

另外,各狀態嘅效果及扣血量。

中毒:每回合損失1/16最大HP。

猛毒:每回合損失 (1+額外回合數/16) 最大HP。

灼傷:每回合損失1/8最大HP;物理招式傷害減半。

麻痺:速度下降 1/2;1/4 機率無法行動。

冰凍:無法行動;每回合有 1/4 機率解除。

睡眠:無法行動;2~4 行動回合內解除。

混亂:1/3 機率會無法行動,並對自己進行 40 威力嘅無屬性物理攻擊。1~7 行動回合或替換解除。

 

能力升降:

(全部經替換後解除)

攻/防/特攻/特防/速:

基礎為 2/2;+1 級為分子 +1:-1 級為分母 +1;最大為 +6級,最小為 -6級。

命中/回避 (命中回避關係亦係相除) :

基礎為 4/4;+1級為分子 +1:-1級為分母 +1;最大為 +6級,最小為 -6級。

 

F) 能力養成

首先我哋要了解 Pokemon 嘅能力部份係按 1) 種族值、2) 個體值、3) 性格及 4) 努力值來決定。一般容易理解的公式如下:
HP: (種族值*2 +個體值 +努力值/4) *LV/100 + LV10

其他:[ (種族值*2 +個體值 +努力值/4)*LV/100+5]*性格

 

1) 種族值

為每一種不同 (包括型態不同) 嘅 Pokemon 固有嘅數值,無法改變。呢個數值就好似屬性咁,係固定嘅。我哋用一用如果有玩體驗版就有嘅甲賀忍蛙做例子。

(順便推舊文 )

《Pokémon天梯入門》變幻自在嘅人氣主角-No.658 甲賀忍蛙

 

3 %e6%9c%aa%e5%91%bd%e5%90%8d-1

 

以標準 LV50 為例,甲賀忍蛙嘅純種族值提供能力值如下:

HP: 132

ATK: 100

DEF: 72

SA: 108

SD: 76

SPD: 127

呢組數值,就係努力值、個體值皆0,而且性格無加減下嘅基本 LV50數值。種族值嘅理解其實就係一隻 Pokemon 基本嘅能力值。無啲咩嘢玩家可以改變嘅,只可以背咗佢 (大概得架啦,唔好為難自己) 。

 

2) 個體值

個體值係一組介乎 0~31 嘅數值。佢係由獲得該 Pokemon 嗰刻隨機決定嘅,可以話係另一組不能改變嘅數值;但今集有新增一種叫做王冠嘅物品可以增加後天個體值 (稱為極限值) ,用作補充個體值至 31。我哋一般 0為0、1~9 為A、30為 U、31為V。

個體值雖然無辦法後天養成,但凡係可以生蛋嘅 Pokemon 都可以經繁殖遺傳。

一般性況下,子代會喺親代遺傳 3組個體值,另外 3組係隨機。但如個親代有裝備紅線去生的話,則改為遺傳 5組個體值,1組隨機。基本上如果你一代一代咁近親繁殖落去,好快就有好純種嘅 5V/6V (唔唔,好有現實配種繁殖 FEEL) 。再者透過一隻 5V/6V,就能夠於同一個生蛋組別中推展出去,例如奇異花係怪獸/植物組,咁一隻 5V/6V 嘅男性奇異花就可以幫其他怪獸組或植物組繁殖出 5V/6V。

至於一般會要用上幾多V呢?

最基本,HP、DEF、SD 都會V,因為能夠頂多少少就係多少少;

而物攻型嘅 ATK 要 V;特攻型嘅 SA 要 V,ATK 要 0 (減少混亂時傷害) ;雙刀就兩者都 V;

速度種族值快過 80,又無打算放欺空隊的話,一般 SPD 要V,否則如果係預放於欺空隊或反制欺空的話,則 SPD 要 0。

略略講講今集王冠今集嘅用途。首先我唔建議大家將貴重嘅王冠用於可以透過生蛋遺傳嘅 Pokemon 身上;原因係王冠所補充嘅個體值係唔會經生蛋遺傳,而且生蛋其實並無想像般難,生多咗嘅 5V/6V 可以透過同其他玩家交換去換到想要嘅 Pokemon,無謂懶。所以,我覺得王冠嘅最大作用係用喺無法生蛋嘅傳說 Pokemon 身上,佢哋捕捉時已確認咗係有 3項會 V,其餘隨機,以前玩家會不斷 S/L 狂刷,現今只要 S/L 刷到適合嘅性格,再透過王冠去提升未滿足嘅個體值就好。
用上面甲賀忍蛙嘅數據,我哋一般都認為佢要雙刀都有力嘅速度型;所以種族值加上 6V個體值後:

HP: 147

ATK: 115

DEF: 87

SA: 123

SD: 91

SPD: 142

能力值平均提升咗 15點 ( 31/2,捨去小數) ,而本身愈細嘅能力值影響愈大。

 

 

3) 性格

對HP以外嘅能力值起修正作用。為一項能力值嘅最終值110%,同另一項嘅最終則90%;於遊戲內會見到紅色表示提升咗嘅能力值,藍色表示下降咗嘅能力值。常見於培養/對戰嘅性格包括

+ATK -SA (物攻型) 、+SA -ATK (特攻型) 、+SPD -ATK (極限速特攻型) 、+SPD -SA (極限速物攻型) 、+ATK -SPD (欺空物攻型) 、+SA -SPD (欺空特攻型) 。

就雙刀偏物攻型嘅甲賀忍蛙,我哋以冷凍光束/水手裏劍、垃圾投射、下旋、塌塌米檔格作準;當中當速度需求高,而冷凍光束/水手裏劍為條件用技能,所以我哋揀 +SPD -SA。能力值為:

 

HP:147

ATK:115

DEF:87

SA:123*90%=111

SD:91

SPD:142*110%=156

 

由於性格會影響努力值,所以我特別標注加成前後。

 

4) 努力值

努力值係玩家後天陪養嘅要素,佢係透過 i) 對戰、ii) 營養劑、iii) PokeIsle 嘅練習島、iv) 圓慶廣場。

 

而努力值最大為520總數,252單項;如公式所見要4點先會於 LV100時有效果,亦即大概要 8點先會影響 LV50能力值 (如果 LV100時,剛好只差1點能力值就係雙數的話,咁4點都足以影響 LV50時能力值) 。

 

i) 對戰

所指嘅並唔係 PVP 嘅對戰,而係一般會得到經驗值嘅任何戰鬥。但凡你得到經驗值,你都會得到你所擊倒嘅 Pokemon 所對應嘅努力值;一般嚟講係讓 Pokemon 最高嘅一項種族值,進化階段愈高嘅就愈多;第一階為 +1、第二階或一啲比較強嘅一階為 +2、第三階 +3;另外裝備鍛練道具可以額外增加 8點每次獲得嘅努力 (今集BUFF咗) ;如果感染 POKERUS 則會2倍。

如果你要練嘅項目係252頂項的話,以下呢段版中嘅方法將會係今集最快嘅練滿方法。

 

透過呼叫戰鬥 (將原生一隻擊至殘血,再用今集所有 CENTRE 都開到嘅膽怯娃娃來增加呼叫機率) 將回應呼叫嘅 Pokemon 努力值2倍。如片中所講,第一隻猴怪ATK努力值係 +9,之後每一隻都係 +18,只要留住第一隻唔死,打倒 SOS 而嚟嘅14隻,就會升滿252。

其他能力亦一樣。
推介選點有:

(HP) 訓練員學校嘅爛泥怪;

(ATK) 1號道路嘅貓鼬少/圓絲蛛;

(DEF) 12號道路嘅小拳石;

(SA) 好奧樂墓園嘅鬼斯;

(SD) 2號道路嘅催眠膜 (食夢獸) ;

(SPD) 通海洞穴嘅波音蝠。

 

如果怕 LV1 唔夠打其實唔緊要,只要用一隻 LV100 嘅去打,打開個經驗值分享器一樣可以有努力值,只要係接受經驗值就有。

 

ii) 營養劑

最後簡單,為你所有努力值練習塾底嘅基礎動作。一萬蚊一枝嘅營養劑,加單項嘅努力值 +10,但不會加多於100。亦即只要你打四天王勤力,有錢,就可以為 Pokemon 嘅努力值先塾100嘅底再升。對於一啲唔需要升盡252嘅能力值嚟講,係比較方便控制嘅方法。例如一般純坦型嘅128雙防,可以透過食2次營養劑,加上6隻 SOS Pokemon 就達成 (但要唔擊倒原生嗰隻) 。

 

iii) PokeIsle 練習島

喺呢度係用放置 Play 設置一組6隻 Pokemon 去練努力值。半小時4點,亦即完全由0到252需要31﹒5小時;而由100到252要19小時。就我個人建議而言,呢個比較適合一啲大忙人同埋一啲特調努力值。所謂嘅特調努力值,即係指要準備到每4點努力值嘅一啲配點;當中包括針對指定狀況而去計算出嚟嘅 S調整。例如上面指嘅雙防128咁,只要我餵食10次營養劑,再設置3﹒5小時就可以達成128。只要返工前、食晏時、臨瞓前設置好就 OK。

 

iv) 圓慶廣場

圓慶廣場中嘅 Trump-Bump Park (攻擊/特攻) 、Clink-Clunk Land (防/特防) 、Stomp-Stomp House (HP/速) ;由 1級課程 +20點、2級 +48點…到6級 +252點 (中間3~5、7級唔清楚…因為未搵到數據) 。

 

另外如果練多咗努力值,要向下調整,就要利用小食攤,佢哋會分別提供唔同嘅下降組合。我暫時只係記住咗清空嘅5星 Rare Kitchen、Friendship Cafe。細節要慢慢再摸索 (但其實有清空就夠用) 。

我地再攞返甲賀忍蛙做例,252速 252攻 8HP 咁放落去努力值度,即攻/速有32點 (63/2;加上個體值嘅餘數) ,而HP有1點 (8/2) 嘅加成。

 

HP:148

ATK:147

DEF:87

SA:123*90%=111

SD:91

SPD:174*110%=191

 

對比起純種族值;

HP:132

ATK:100

DEF:72

SA:108

SD:76

SPD:127

 

你會見到有提升努力值同個體值後,能力值係係可以有接近1﹒5倍嘅差異。如何養成你嘅 Pokemon ,令到佢哋可以發揮到本領,就係作為訓練員嘅你要去考慮嘅課題。

至於下一篇有關於 C) 屬性聯防、D) 隊伍組合壓後,並結合 G) 對戰道具,請畀我多一啲時間去觀察下 VCG 2017 可用 Pokemon 。

 

回帶相關文章:

《Pokémon Sun / Moon》第七世代基礎攻略 (前篇)

《Pokémon天梯入門》禁MEGA石後必用廚獸-No.663 疾風怒濤!烈箭鷹!

《Pokémon天梯入門》使用率前五干擾手 -No.591 暴露菇

《Pokémon天梯入門》No.115袋獸

《Pokémon天梯入門》烈日晴空-No.006噴火龍Y

《Pokemon天梯入門》1600對賽觀摩&主流戰術認識

《Pokémon天梯入門》變幻自在嘅人氣主角-No.658 甲賀忍蛙

 

 

古渡

古渡 《Pokemon XY》400小時遊玩時間,天梯賽1700以上嘅非專業玩家。閒時會寫下嘢咁

追蹤

更多文章