【閃亂紳士之夜】達哥 x 製作人高木 大玩女星角色配對(香港代表:諗都唔敢阿)

《閃亂神樂》系列應該唔少人聽過,新作《閃亂神樂 Burst Re:Newal》亦都係今日正式推出。今次我地香港就威水啦,請到《閃亂神樂》系列製作人高木謙一郎先生,黎到香港同達哥玩返晚同介紹下隻遊戲,節目當中仲大談幾位港日女星如果同《閃亂》女角進行 Cosplay 配對又會點呢,綜觀全成晚笑位無停過,非常歡樂!

 

節目開始既時候,高木先生先教我地一個好重要既日文 おっぱい ( oppai ),意思係人類既寶藏、大家都好鍾意既野,咁以後大家去日本就識點同人打招呼啦!(大誤!)

你睇高木先生個樣幾陶醉

 

然後高木先生就簡單介紹下今次作品《閃亂神樂 Burst Re:Newal》,《閃亂神樂 Burst Re:Newal》其實係之前係 3DS 上面推出過既第一同第二集既重製版本。不過由於之前 3DS 版本係屬於橫向動作遊戲,黎到 PS4 就變成全立體 3D 動作遊戲,基本上已經可以當係新 Game 玩啦!

遊戲故事就係講圍繞住二班學生忍者,飛鳥(善忍)同埋焰(惡忍)之間既故事。

今集遊戲封面亦係二位主角飛鳥同埋焰

 

跟住達哥就示範玩《閃亂神樂 Burst Re:Newal》,選擇咗飛鳥所屬既半藏學園 2-8 關卡「閃光亂舞」。有達哥試玩梗係有聲演聽啦,達哥分別聲演飛鳥以及焰既對話,真係好聽到呢……。

正式入到試玩環節,高木先生大讚達哥簡直係天才,一口氣就解決一堆雜卒,仲使用咗「忍轉身」變身系統擊敗焰,而且仲完全爆晒焰既衫,出現最迷人既「聖光」,係呢個時候就連觀眾都話好少見到達哥笑得咁開心!

先打雜卒練下手感

然後就同焰 1 on 1 隻抽!

過程都幾輕鬆下

達哥使出「忍轉身」

完成任務!我講完成關卡咋,唔係講緊打爆件衫阿

贏咗就梗係要擺返個 pose

當然亦都有試玩其他關卡,順帶一提,遊戲內忍法多姿多采,對方正在使出「巨大化」

 

 

動作部份完結之後,主持就同高木玩個遊戲,提供三位女藝人既名字,然後同遊戲內既角色進行 Cosplay 配對,睇下會有幾神似。不過就咁講就似乎純文字討論,所以就展示咗《閃亂神樂 Burst Re:Newal》更衣室模式。入面既角色可以自訂外觀,而且有極多選項由今集開始仲可以改變膚色,真係可以點玩都得!

基本髮型、顏色、外裝都可以自訂

連膚色都可以改變!

達哥亦有試玩自訂後既焰,明顯地自訂完玩得無咁叻,應該係畫面多咗野要留意,分心所致

 

節目中就試咗幫達嫂新垣結衣bb、極邪惡既杉原杏璃同埋香港既性感火辣代表……家燕媽媽配對,嗯……大家都係睇片啦,一陣講太多大家有幻想就唔好啦。

依然有「神之手」模式,舊玩家唔洗擔心

 

最後就係觀眾問答環節,有觀眾問高木先生佢心目中既女神係點樣架呢,咁高木先生就話當然要胸大同性感啦……(咁咪即係家燕媽媽?),當然仲有其他有趣問題,不過留返比大家睇返全條片段欣賞啦,唔係又比人鬧劇透架啦!

高木先生特別送出為香港觀眾而做既雪泉 Poster

 

《閃亂神樂 Burst Re:Newal》繁體中文版於 5月 17日正式上市,對應平台為 PS4。

 

【閃亂紳士之夜】達哥 x 製作人高木完整片段:

「達哥 X 高木製作人 閃亂神樂 Burst Re:Newal 紳士之夜」

今晚就由我達哥同高木製作人兩個愛護女性o既謙謙君子為大家帶黎紳士之夜啦。

Undergrounddv 達哥發佈於 2018年5月16日

 

回帶相關文章:

《閃亂神樂》系列製作人高木謙一郎專訪 男性化?格鬥化?諗得過!