令唔少《Octopath Traveler》玩家聞之色變、舞孃 Primrose 嘅技能「摩訶不思議の舞 Bewildering Grace」到底有幾屈機，同時又有幾玩命呢？

戰鬥中施展「摩訶不思議の舞 Bewildering Grace」會隨機出現唔同效果，手氣好嘅朋友，或者可以出幾次都係經驗值或錢加倍嘅效果，但同時佢亦可能會令到我方成員受傷害。點解玩單機 RPG 都要考驗我係咪歐洲人？（掩面）

咁但係，遊戲嘅樂趣咪就係咁囉（喂）

如果應用得宜，想一場戰鬥快速增加經驗值都唔係無可能，雖然個人就覺得呢個方法太考手氣，未必夠效率，不過都一於寫出黎同大家分享下先！

（1）將 プリムロゼ（Primrose）BP 推滿，選擇「摩訶不思議の舞 Bewildering Grace」至 Max 狀態

以下係我一場戰鬥中出現過嘅效果：

一黎就 EXP 5 倍！啱呀，首抽我通常都中 SSR 架 LOL

但係二刷就…

三刷都 OK！

四刷！似乎我首輪手氣唔錯過！

之但係，我第二次施展呢個技能就好慘烈，連出兩次「我方防禦力下降」……好彩我唔係用 Boss 戰黎試，如果唔係都應該會死得幾慘（抖）

當然，如果咁好彩你有場戰鬥遇到掉寶怪（而你又黎得切打死佢嘅）記得用呢個技能搏一搏，如果抽到 EXP 加乘嘅就真係遊戲中嘅六合彩啦！

「摩訶不思議の舞 Bewildering Grace」全部會出現嘅技能如下：

・地面爆發，我方成員受輕微損害
・Primrose HP 400 回復
・我方全體 SP50 回復
・我方全體 BP1 回復
・我方全體 BP 全回復
・Primrose SP 耗盡
・我方全體 BP 全耗盡
・我方全體 物理攻撃力上昇
・我方全體有一次魔法反射効果
・我方全體 HP・SP・BP・負面效果全回復及復活
・我方全體 防御力下降兩回合
・霧出現，味方全員沉默狀態
・我方全體 中毒 9 回合
・我方全體 道具使用不可能
・我方全體 HP 扣剩 1
・Primrose 以外我方成員陷入即死狀態
・我方全體 受火炎傷害
・敵方單體 受雷擊傷害
・敵方全體 受風暴傷害
・敵方全體 受無屬性傷害三次
・召喚魔物 敵方全體受傷害
・敵方單體 睡眠狀態 2 回合
・召喚魔物 強化敵方
・將敵方單體變成掉寶怪（Boss 戰除外）
・戰鬥勝利時獲得 EXP 2 倍
・戰鬥勝利時獲得 JP 2 倍
・戰鬥勝利時獲得 EXP 5 倍
・戰鬥勝利時獲得 JP 5 倍
・戰鬥勝利時獲得 EXP 100 倍
・戰鬥勝利時獲得  JP 100 倍
・跳舞失敗（無效果出現）