暴雪終於確定《Diablo》多項計劃進行中 最快今年內公布相關消息!

無幾耐之前我地先報導過暴雪即將幫《Diablo》做啲野,例如先有重製《Diablo 2》廣告露餡,之後又大規模招募開發團隊,雖然證據全部都指出暴雪計劃跟幫《Diablo》系列做啲野,但係官方一直都無進一步消息發放。但係日前官方終於發出一條短片,由暴雪副社群經理 Brandy Camel 為大家帶黎一個消息,就係暴雪既開發團隊正在進行多項《Diablo》遊戲項目!

 

今次發放既片段都好短下,而且內容都比較隱晦。係影片內 Brandy Camel 話而家暴雪開發團隊正在全力趕工,現階段有多項《Diablo》遊戲項目正在開發中,當中部份項目可能無咁快可以公開,但係係下半年將會發放相關既新消息。

 

作為玩家當然係希望推出新一集既《Diablo》,當然亦有可能係《Diablo 3》全新資料片又或者係新關卡,落實《Diablo 3》移植到 Switch 版亦都係其中一個可能。至於之前重制《Diablo 2》仍然係極為可信的。只要唔係搞完咁多野之後,再話你聽其實我地整緊新賽季既改動…….相信大家都會受落的。

 

現階段外國都有好多唔同既推測,不過都係要等官方進一步公開相關消息,希望唔好要 Fans 們再一次失望啦……。

五木

五木 動漫電玩宅,極愛金田一系列,擅長動作及策略遊戲

追蹤

更多文章