前排《香港重機》熱潮令一啲無乜砌開 LEGO 機械人嘅製作者都試試自己身手，之前都喺Hong師傅嘅合體重機LEGO HKMECHA 入面提及過嘅 Dick Cheung ，以一人之力製作 8 個 LEGO《重機》角色令大家拍爛手掌。

8 個角色除左高還原度，仲要有返阿 Dick 嘅可愛活潑風味喺當中。

而阿 Dick 經過《重機》系列嘅經驗，加上前陣子傑作級 LEGO Gundam 嘅衝激，阿 Dick 竟然只係三幾個鐘就完成以下嘅 SD 版馬沙專用渣古II (MS-06S Char’s Zaku II)

阿 Dick 呢隻紅彗星，夾夾埋埋佢都只係用左大約 300 件組件左右就搞掂晒，最大工程嘅就只係特登買盒 Ninjago 嘅 Set 「爆盒」搵組件為左砌好個頭。

透明擋風玻璃件(62360)反而近年都唔少官方 Set 有擺落去使用，大家要搵都唔難

雖然以家完成嘅係 SD 版，但阿 Dick 都有講到依家紅彗星嘅頭都搞得掂，下一步就會挑戰正常比例嘅版本，當正常比例版本完成就可以展示到更多嘅細節出嚟。

除左機械人，阿 Dick 嘅作品係有好多輕鬆得意嘅創作，想睇多啲或者支持嘅話可以去佢嘅作品 Page 比個 Like，同佢分享下你嘅睇法同意見。

Dick Cheung 作品 Facebook Page (Dick’s Laboratory) 傳送門