早前同大家提過，《Persona 5》同社作品《Catherine Full Body》即將於 2019 年 2 月 14 日情人節推出，呢隻擺到明「成人向意味濃」嘅搞怪遊戲，剛剛又宣佈咗啲驚人之舉！

既然遊戲玩擺明車馬玩外遇，咁相信每位男士嘅喜好都唔一樣；唔知開發商係了解到呢一點，又或者係覺得想比玩家「出軌也要認真地出軌」嘅機會，遊戲中本身由 沢城みゆき 聲演嘅 Catherine，只要玩家入手「初回生產限定版」，又或者之後買 DLC 都得，就可以有機會得到特別劇本：分別由 11 位女性大手聲優聲演嘅 Catherine！

遊戲中嘅  Catherine 擺明走小惡魔路線，咁但係你心目中，又希望佢把聲係點樣嘅呢？

11 位出演聲優如下目前只係公佈咗以下 7 位：

能登麻美子「病嬌淑女」（即係《戰國 Basara》阿市？！）
小清水亜美「母性洋溢」
悠木碧「吸引人的少女」
堀江由衣「自我中心的妹子」
阿澄佳奈氏「鑽牛角尖的少女」
戸松遙「傲嬌女朋友」
豊口めぐみ「純情系少女」

以上 7 位聲優真係非常星光熠熠，Twitter 上面唔少日本網友話「咁即係逼人即刻課金，無得遲疑」咁話！不過，香港唔知多唔多聲優控呢？如果上面幾位聲優都唔中你口味，又或者你根本唔 Care 邊個係聲優嘅，唔緊要，仲有一個好消息。

就係先行購買特典可以在特定關卡使用《P5》嘅 Joker！（之後都會以 DLC 方式推出）而使用 Joker 嘅時候，怪盜團成員亦會好似玩《P5》打城時係咁同你講野，上演一場《Persona》走錯棚之實況 Play！

我本身都打算攻略呢隻遊戲，但係見到佢啲特典同 DLC 咁樣樣，我而家都諗緊係咪要預購咗先呢？我又好老實，作為一個女玩家，女聲優係邊個我又唔係咁 Care 呀～（我淨係鍾意花澤香菜！）但係仲有得揀 Joker 黎用，作為《Persona》系列忠實 Fans 嘅我，如果唔去預購遊戲真係情何以堪……

最後送上能登麻美子病嬌版試聽片段：

如果想試聽埋其他聲優 Sample 可以按這裡～